Qashqadaryoda ikki Damas to‘qnashishi oqibatida yo‘lovchi jarohatlandi
18 mart kuni Qashqadaryo viloyatida ikki Damas to‘qnashishi oqibatida yo‘lovchi jarohatlandi. Bu haqda viloyat IIB Yo‘l harakati xavfsizligi boshqarmasi xabar berdi.
Qayd etilishicha, soat 12:15 larda Yakkabog‘ tumani “Istiqlol” MFY hududidan o‘tgan davlat ahamiyatidagi D-148 “Yakkabog‘-Chiroqchi-Sho‘rbozor” avtomobil yo‘lining 11-kilometrida harakatlanib kelayotgan Damas rusumli avtomashina haydovchisi quvib o‘tish qoidalariga amal qilmasdan qarama-qarshi yo‘nalishdan harakatlanib kelayotgan boshqa bir Damas rusumli transport vositasining yo‘liga chiqib ketish oqibatida yo‘l-transport hodisasi sodir etgan.
Hodisa oqibatida o‘z yo‘nalishida kelayotgan Damas’ning bir nafar yo‘lovchisi olgan tan jarohati sabab tibbiyot birlashmasiga yetkazilgan.
Hozirda mazkur holat yuzasidan surishtiruv harakatlari olib borilmoqda.
.png "YouTube UZREPORT TV")
