19-mart kuni O‘zbekistonda sodir bo‘lgan muhim voqealar dayjesti

“Tashabbusli byudjet”da ovoz yig‘ishga majburlash holatlari bo‘yicha jami 23 ta shikoyat kelib tushdi

Bunda, eng ko‘p murojaat Toshkent shahri, Andijon va Xorazm viloyatlarida qayd etildi.

Raqobat qo‘mitasi Uzum Marketni ustun mavqega ega deb topdi

Raqobat qo‘mitasining tegishli buyrug‘i bilan elektron savdo maydonchalari (marketpleyslar) bozorida "Uzum Market" MCHJ ustun mavqega ega raqamli platforma operatori sifatida eʼtirof etildi.

Bu yil kichik va o‘rta biznesga 120 trillion so‘m resurs beriladi

"Buncha katta mablag‘ ilgari hech qachon bo‘lmagan", - dedi davlat rahbari. Shuningdek, Ayol tadbirkorlarga kredit stavkasi boshqalarga nisbatan 2 foiz arzon bo‘ladi. "Uy-ro‘zg‘or va farzand tarbiyasidan ortib, tadbirkorlik bilan odamlarni ishli, daromadli qilayotgan ayollarimizga har qancha rahmat aytsak, arziydi", - dedi prezident.

15 ta tuman va shaharda barcha davlat idoralari tumanlar markazidagi bitta ko‘p qavatli binoga ko‘chiriladi

Yangi binolarning 1-2-qavatlari tadbirkorlarga sotiladi. Ushbu tumanlarda davlat idoralaridan bo‘shaydigan 150 ta bino auksionda tadbirkorlarga taklif qilinadi.

Janubiy Koreyaga soddalashtirilgan ishchi viza tartibi joriy etilishi mumkin

Ulsan shahri meri Kim Du Gyom Koreya Respublikasi tarixida ilk bor O'zbekiston fuqarolariga shahar meriyasi orqali soddalashtirilgan tartibda mehnat vizalarini berish mexanizmlari ko'zda tutilayotgani haqida xabar berdi.

20 ta tumanda kichik va o‘rta sanoat korxonalarini rivojlantirish bo‘yicha loyiha ofislari tashkil etiladi

Ularga xorijiy muhandis, texnolog, dizayner, buxgalter va marketologlar olib kelinadi. Bu maqsadlarga shu yilning o‘zida 100 milliard so‘m ajratilishi belgilandi.

Shavkat Mirziyoyev: Ilk bor ma’muriy huquqbuzarlik qilgan tadbirkor javobgarlikdan ozod qilinadi

"Bundan buyon, tadbirkorlikka endi qadam qo‘yganlar uchun “birinchi imkoniyat” tamoyili joriy etiladi. Yaʼni, ilk bor maʼmuriy huquqbuzarlik qilgan tadbirkor javobgarlikdan ozod qilinib, kamchilikni bartaraf etish uchun imkoniyat beriladi. Bir so‘z bilan aytganda, yangi ish boshlagan tadbirkorlar birinchi xato uchun “javobgarlikdan sug‘urtalangan” bo‘ladi", - dedi prezident.

Samarqandda o‘quvchining onasi o‘qituvchiga tarsaki tushirdi

Viloyat Maktabgacha va maktab taʼlimi boshqarmasining ma'lum qilishicha, ayni paytda holat huquqni muhofaza qilish idoralari tomonidan o‘rganilmoqda.

Maktab direktori va o‘rinbosarlari hamda maktabgacha ta’lim tashkiloti direktorlarining oyligi oshiriladi

Prezident maktabgacha va maktab ta’limi sohasida boshqaruv tizimi samaradorligini oshirish bo‘yicha yangi farmon imzoladi.

Shavkat Mirziyoyev va Gurbanguli Berdimuhamedov bir-birlarini yaqinlashayotgan Navro'z bayrami bilan tabrikladi

Shavkat Mirziyoyev Turkmaniston Xalq Maslahati Raisi Gurbanguli Berdimuhamedov bilan telefon orqali muloqot qildi. Ikki tomonlama munosabatlar va mintaqaviy hamkorlikning dolzarb masalalari ko‘rib chiqildi.

“O'zbekiston Respublikasida xizmat ko'rsatgan ekolog” faxriy unvoni ta'sis etildi

Bu haqda prezident tegishli qonunni qabul qildi.