Toshkentda 62 yoshli erkak talaba qizlar yotoqxonasining binosi oldida uyatsiz harakat qilgani uchun 15 sutkaga qamaldi
Toshkentda 62 yoshli erkak talaba qizlar yotoqxonasining binosi oldida uyatsiz harakat qilgani uchun 15 sutkaga qamaldi
Ijtimoiy tarmoqlarda nomaʼlum erkak kishining jamiyatda yurish-turish qoidalarini buzganligini aks etgan video tarqalib turli muhokamalarga sabab bo‘lmoqda.
Mazkur holat yuzasidan Toshkent shahar IIBB munosabat bildirdi.
Qayd etilishicha, joriy yilning 24-may kuni taxminan soat 15:00 larda Uchtepa tumanida joylashgan oliygohlardan birining qizlar uchun mo‘ljallangan yotoqxonasi oldida, 62 yoshli Z.E. jamiyatda yurish-turish qoidalarini qasddan mensimasdan mayda bezorilik sodir etgan.
Ko‘rilgan chora-tadbirlar natijasida ushbu fuqaro ichki ishlar organlari xodimlari tomonidan ushlangan.
Mazkur holat yuzasidan Uchtepa tumani IIO FMB tomonidan fuqaro Z.E.ga nisbatan O‘zbekiston Respublikasi MJtKning 183-moddasi (Mayda bezorilik) bilan maʼmuriy bayonnoma rasmiylashtirilgan hamda Jinoyat ishlari bo‘yicha Uchtepa tumani sudi tomonidan unga nisbatan 15 sutka maʼmuriy qamoq jazosi tayinlangan.
.jpg "X factor uzbekistan")
.png "YouTube UZREPORT TV")
