Uzbekistan Airways‘ning Nyu-Yorkka uchayotgan samolyotida chaqaloq tug‘ildi
Uzbekistan Airways‘ning Toshkentdan Nyu-Yorkka uchgan reysi bortida chaqaloq dunyoga keldi. Bu haqda kompaniya matbuot xizmati xabar berdi.
Qayd etilishicha, parvoz davomida yo‘lovchilardan biri tug‘ruq boshladi. Vaziyatni baholab, ekipaj brigadasi boshqaruvchisi ovozli e’lon orqali samolyotdagi shifokorlarni yordamga chaqirdi.
Chaqiriqqa yo‘lovchilar orasidagi shifokor-akusher va jarroh javob berishdi. Bir oz vaqt o‘tib, yo‘lovchi o‘g‘il farzandini dunyoga keltirdi. Shu munosabat bilan ekipaj Islandiyaning Keflavik shahridagi zaxira aerodromiga majburiy qo‘nish qarorini qabul qildi.
Samolyot muvaffaqiyatli qo‘nganidan so‘ng, tibbiyot xodimlari bortga ko‘tarilib, zarur yordam ko‘rsatishdi. Ona va chaqaloq mahalliy klinikaga yetkazildi.
.jpg "X factor uzbekistan")
.png "YouTube UZREPORT TV")
