Huawei 1
Ziroat Mirziyoyeva Xalqaro yoshlar ekologik oromgohi ishtirokchilari bilan birga Zarafshon milliy tabiat bog‘iga tashrif buyurdi

Xalqaro yoshlar ekologik oromgohi ishtirokchilari Ziroat Mirziyoyeva va mehmonlar bilan birgalikda Samarqand viloyatidagi Zarafshon milliy tabiat bog‘iga tashrif buyurdi. Bu haqda “Zamin” xalqaro jamoat fondi xabar berdi.

Hammalari birgalikda bog‘, uning to‘qayzorlari va yaqindagina qirilib ketish arafasida turgan Buxoro bug‘ularini ko‘zdan kechirdi.

Qo‘riqxonada bo‘lish nafaqat tabiat go‘zalligidan zavqlanish imkoniyati, balki ekotizimlarni asrash va ularning bir-biri bilan chambarchas bog‘liqligi haqida muhim eslatma bo‘ldi.

Ekskursiya ishtirokchilari baʼzida ekotizimlarni saqlab qolishning asosiy qismi antropogen taʼsirni, yaʼni insonning aralashuvini kamaytirish ekanligini afsus bilan taʼkidladi.
Ushbu tajriba turli mamlakatlar ekofaollari uchun ekotizimlarni saqlab qolish va ko‘chib yuruvchi hayvon turlari uchun transchegaraviy bog‘larni yaratish bo‘yicha faol harakat va tashabbuslarga turtki bo‘ldi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 12612 | Инструменты