25-yanvar kuni O‘zbekistonda sodir bo‘lgan muhim voqealar dayjesti

Surxondaryo viloyati hokimining o‘zini va o‘rinbosarlarini mukofotlash to‘g‘risidagi farmoyishi bekor qilindi

"Mablag‘lar "Kambag‘allikdan farovonlik sari" dasturiga yo‘naltirilishi belgilanmoqda", - deyiladi hokimlik matbuot xizmati xabarida.

Qatar o‘zbekistonliklar uchun mamlakatdagi ish o‘rinlari sonini oshiradi

Migratsiya agentligi va Qatarning eng yirik davlat rekruting kompaniyasi “Jusour” bilan hamkorlik memorandumi imzolandi. Shuningdek, endi Qatarda ishlash istagida bo‘lganlar uchun 10 kun muddatda ishchi vizasi chiqadi.

2024-yilda O'zbekistonga qancha yengil avtomobil import qilingani ma'lum bo'ldi

O‘zbekistonga 2024-yilda eng ko‘p yengil avtomobil import qilgan davlatlar uchligidan Xitoy, Koreya va AQSh o'rin egalladi.

O'zbekistonda homiladorligi yoki farzandi borligi sababli xodimni ishdan bo‘shatishga taqiq joriy etiladi

Shu bilan birga, qonun bilan ishga qabul qilish chog‘ida shaxsning pasporti yoki ID-kartasini, mehnat daftarchasiga oid maʼlumotlarni talab qilmasdan, davlat organlari va tashkilotlari mustaqil ravishda, shu jumladan axborot tizimlaridagi idoralararo integratsiyalashuv platformalari orqali so‘rab olishi belgilanmoqda.

Xavfli ishlab chiqarish obyektlaridan foydalanuvchi tashkilotlar xodimlarini attestatsiyadan o'tkazish tartibi belgilandi

Hukumat qarori bilan “Xavfli ishlab chiqarish obyektlaridan foydalanuvchi tashkilotlarning rahbar va muhandis-texnik xodimlarini tayyorlash, qayta tayyorlash, ularning malakasini oshirish hamda attestatsiyadan o'tkazish tartibi to'g'risida”gi nizom tasdiqlandi.

Otabek Nazirov O‘zbekistonda xizmat ko‘rsatgan artist bo'ldi

O‘zbekiston prezidentining "O.Nazirovga "O‘zbekiston Respublikasida xizmat ko‘rsatgan artist" faxriy unvonini berish to‘g‘risida"gi farmoni e'lon qilindi.

Bir yilda 45 mingga yaqin maktab o‘quvchilarining ota-onalari javobgarlikka tortildi

Shuningdek, ota-onalar tomonidan farzandlarini maktabga yubormaslik holatlari bo‘yicha 175 mingga yaqin ogohlantirish xatlari yozilgan.

Poytaxtdagi xususiy bog‘chalarning birida tarbiyachi bolaning oyog‘ini sindirib qo‘ydi

Holat yuzasidan Toshkent shahar maktabgacha va maktab ta'limi boshqarmasi rasmiy munosabat bildirdi.

Senat issiqxona gazlarining chiqarilishini tartibga solishga oid qonunni rad etdi

Qonunda vakolatli davlat organlarini aniq ochib berish, issiqxona gazlarining chiqarilishini cheklash sohasidagi davlat organlarining vakolatlarini qayta ko‘rib chiqish zarurligi taʼkidlandi.

Diplomlari to‘g‘ridan to‘g‘ri tan olinadigan TOP-1000 talikka kirgan OTMlar ro‘yxati e'lon qilindi

Oliy ta’lim, fan va innovatsiyalar vazirligi tomonidan 2025-yil uchun tasdiqlangan xalqaro e’tirof etilgan tashkilotlarning reytingida oliy ta’lim muassasalari orasida birinchi 1000 o‘rinni egallagan xorijiy oliy ta’lim muassasalari ro‘yxati tasdiqlandi.

O‘zbekiston Afg'oniston bilan “Hayraton – Mozori-Sharif” temiryo‘li bo‘yicha shartnomani uzaytiradi

Ikki davlat temir yo‘l ma’muriyatlari o‘rtasida faol hamkorlikni yanada mustahkamlash maqsadida "Hayraton – Mozori-Sharif" temir yo‘lidan foydalanish va unga xizmat ko‘rsatish bo‘yicha shartnomani uzaytirish yuzasidan kelishuvga erishildi.

2024-yilda Janubiy Koreyaga 23,9 ming nafar O‘zbekiston fuqarolari safar qildi

Bu ko‘rsatkich o‘tgan yilning mos davri bilan solishtirilganda 5,4 ming nafarga yoki 29,1 % ga oshgan.

Samarqandda 5 kg “marixuana” giyohvandlik vositasini 10 ming dollarga sotayotgan shaxs qoʻlga olindi 

Holat yuzasidan jinoyat ishi qoʻzgʻatilib, tergov harakatlari olib borilmoqda.