Poytaxtdagi “Yunusobod” sport majmuasida dzyudo bo‘yicha Harbiylar o‘rtasidagi Jahon chempionati davom etmoqda.
Biroz avval o‘z tarixida 42-marotaba tashkil etilayotgan dunyo birinchiligining yakkalik bahslari yakuniga yetdi. Ikkinchi kungi bellashuvlarda 3 ta oltin, 2 ta kumush medalini qo‘lga kiritdik. -81 kg vazn toifasi finalida Hikmatulloh To‘rayev Muso Sobirovni mag‘lubiyatga uchratib, chempionlik shohsupasiga ko‘tarildi. To‘rayev kumush medalga sazovor bo‘ldi.
Rustam Shorahmatov (-100 kg) va Shohruh Baxtiyorov (+100 kg) ham o‘z vaznlarida Harbiylar o‘rtasida jahon chempioni bo‘lishdi. Irisxon Qurbonboyeva (+78 kg) esa o‘zi uchun yangi vazn toifasida kumush medalga ega chiqdi. Bronza medali uchun tatamiga chiqqan Shirinjon Yo‘ldosheva (-70 kg), Mushtariybegim Afzalova (-78 kg) va Bekmurod Oltiboyev (+100 kg) raqiblariga imkoniyatni boy berib qo‘yishdi.
Shu tariqa, O‘zbekiston terma jamoasi 42-Harbiylar o‘rtasidagi jahon chempionatini 5 ta oltin, 5 ta kumush, 3 ta bronza medali bilan yakunladi.
G‘olib va sovrindor dzyudochilarimiz:
Oltin medal
-52 kg: Gulhayo Jo‘rayeva
-73 kg: Shahram Ahadov
-81 kg: Hikmatilloh To‘rayev
-100 kg: Rustam Shorahmatov
+100 kg: Shohruh Baxtiyorov
Kumush medal
-48 kg: Halimajon Qurbonova
-63 kg: Nigina Saparbayeva
-66 kg: Abdurahim Nutfullayev
-81 kg: Muso Sobirov
+78 kg: Irisxon Qurbonboyeva
Bronza medal
-48 kg: Laziza Haydarova
-57 kg: Nilufar Ermaganbetova
-60 kg: Bahrom Boturov
Alpha version: 0.9.1.19 build 101814 | Инструменты