Sobiq futbolchi Mixail Kavelashvili Gruziya prezidenti etib saylandi

“Gruziya orzusi” partiyasidan nomzod Mixail Kavelashvili Gruziya prezidenti etib saylandi. Markaziy saylov komissiyasi ma’lumotlariga ko‘ra, u saylovchilar hay’ati a’zolarining 224 ovozini qo‘lga kiritdi. Kavelashvili prezidentlik lavozimiga yagona nomzod bo‘lgan.

Mtavari telekanali tarqatgan ma’lumotlarga ko‘ra, saylovda jami 225 nafar saylovchi qatnashgan. Kanal materialida aytilishicha, Mixail Kavelashviliga ovoz bermagan deputat Ada Marshaniyaning byulleteni haqiqiy emas deb topilgan.

Ovoz berish Gruziya parlamentida saylov komissiyasining yig‘ilishida soat 5 soat davomida o‘tkazildi. Komissiya 300 nafar parlament a’zosi va deputatdan tashkil topgan bo‘lib, ularning 211 nafari “Gruziya orzusi” partiyasi vakillaridan iborat. Saylovda g‘alaba qozonish uchun ko‘pchilik ovozini, ya’ni 300 tadan kamida 151 ta ovozni olish kerak edi.

53 yoshli saylangan prezident — futbol bo‘yicha Rossiya (“Spartak‑Alaniya” safida 1 karra) va Gruziya (6 karra) chempioni, u Tbilisining “Dinamo” jamoasida o‘ynagan. 2016-yildan beri Kavelashvili “Gruziya orzusi”dan parlament deputati bo‘lgan, 2022-yilda esa hukmron “Xalq kuchi” partiyasidan “ajralib chiqqan” partiyaga rahbarlik qilgan. Aynan shu partiyadan saylangan deputatlar Gruziyaning “xorijiy agentlar” to‘g‘risidagi qonunini ko‘rib chiqish tashabbusini ilgari surgandi.

Ovoz berish paytida parlamentda Kavelashvilining tayinlanishiga qarshi norozilik aksiyasi bo‘lib o‘tdi; muxolifat saylangan prezidentni oliy ma’lumotga ega bo‘lmagani uchun tanqid qilmoqda. Shuningdek, 17 kundan buyon mamlakatda Yevropa integratsiyasini qayta tiklash va parlamentga yangi saylov o‘tkazish talabi bilan aksiyalar o‘tkazilmoqda.

Gruziyaning amaldagi prezidenti Salome Zurabishvili “qonuniy parlament saylovigacha o‘z lavozimida qolishini” ma’lum qildi.