Tatariston raisi Rustam Minnixonov Navoiy viloyatiga keldi
Rossiya Federatsiyasi tarkibidagi Tatariston Respublikasi raisi Rustam Minnixonov kecha, 18 dekabr kuni Navoiy viloyatiga keldi. Bu haqda Navoiy viloyati hokimligi xabar berdi.
Tatariston rahbarini Navoiy viloyati hokimi Normat Tursunov kutib oldi. U Minnixonov bilan birga Navoiy Erkin iqtisodiy zonasidagi Sanoatni rivojlantirish kompleksida bo‘ldi. Minnixonov Tatariston bilan hamkorlikda bu yerda qad rostlayotgan maxsus sanoat parkida amalga oshirilayotgan qurilish ishlari bilan yaqindan tanishdi. Unga sanoat parkida tashkil etilayotgan loyihalar taqdimoti qilindi.
Shuningdek, Tatariston raisi boshchiligidagi delegatsiya bilan ikki hudud o‘rtasidagi savdo iqtisodiy va investitsion masalalar atroflicha muhokama etilib, istiqbolli yo‘nalishlarda hamkorlik bo‘yicha muzokaralar olib borildi.
Rustam Minnixonovning Navoiy viloyatiga tashrifi shu nuqtada yakuniga yetdi, u Navoiy xalqaro aeroportidan jo‘nab ketdi.
.jpg "X factor uzbekistan")
.png "YouTube UZREPORT TV")
