18-dekabr kuni O‘zbekistonda sodir bo‘lgan muhim voqealar dayjesti

Prezident Shavkat Mirziyoyev farmatsevtika sohasidagi korxonalar rahbarlari bilan muloqot qildi

Muloqotda soha vakillari ishlab chiqarishni rivojlantirish, mahsulotlar sifati va eksportini oshirish, ilm va ta’limni rag‘batlantirish bo‘yicha fikr-mulohazalarini bildirdi.

Toshkent shahrida aholining pullarini o‘zlashtirgan yana bir avtolizing firma aniqlandi 
IIV Tergov departamenti tomonidan mazkur jamiyatga nisbatan Jinoyat kodeksining 168-moddasi (juda ko‘p miqdorda firibgarlik) 4-qismi “a” bandi bilan jinoyat ishi qo‘zg‘atilgan va uning faoliyati to‘xtatilgan.

Senat soliq va budjet siyosatining 2025-yilga mo‘ljallangan asosiy yo‘nalishlariga doir qonunni maʼqulladi

Qonun bilan 2025-yilga mo‘ljallangan soliq-budjet siyosatining asosiy yo‘nalishlarini belgilash, shu jumladan, amaldagi qonunchilikni Jahon savdo tashkiloti bitimlariga muvofiqlashtirish, prezidentning tadbirkorlar bilan ochiq muloqoti doirasida biznes yuritishni yengillashtirish yuzasidan belgilab berilgan vazifalari ijrosini taʼminlash maqsadida ayrim qonunchilik hujjatlariga qo‘shimcha va o‘zgartirishlar kiritilmoqda.

O‘zbekistonda farzand tug‘ilganda otalarga ham ta’til berish rejalashtirilmoqda

Parlament quyi palatasiga kiritilgan “O‘zbekiston Respublikasining Mehnat kodeksiga o‘zgartirish va qo‘shimchalar kiritish to‘g‘risida”gi qonun loyihasida ishlayotgan erkaklar farzandli bo‘lganda, turmush o‘rtog‘iga yordam berish va boshqa farzandlariga qarab turishi uchun qisqa muddatli ta’tilga chiqishi bilan bog‘liq me’yorlar taklif etilmoqda.

Toshkentda yigit hamkasbini pichoqlab o‘ldirdi

Sudlanuvchi 16 yil muddatga ozodlikdan mahrum qilish jazosiga hukm qilindi.

Koreya Toshkent-Samarqand tezyurar temir yo‘lining texnik-iqtisodiy asosini ishlab chiqadi

Janubiy Koreya milliy temir yo‘l korporatsiyasi (Korail) O‘zbekistonda yuqori tezlikdagi temir yo‘l qurilishining texnik-iqtisodiy asoslashi bilan shug‘ullanadi.

Kripto-aktivlar faoliyatini litsenziyalash narxlari belgilandi

“Kripto-aktivlar aylanmasi sohasidagi xizmatlar provayderlari faoliyatini amalga oshirishga litsenziyalar berilganligi uchun davlat boji miqdorlarini belgilash to'g'risida”gi buyruq Adliya vazirligida davlat ro'yxatidan o'tkazildi.

Shavkat Mirziyoyev "Tashkent Pharma Park" innovatsion ilmiy-ishlab chiqarish farmatsevtika klasteri bilan tanishdi

Davlat rahbari ushbu markazni va navbatdagi inshootlar qurilishini ko‘zdan kechirdi.

Bir qator yo‘nalishlarda qo‘shimcha poyezd qatnovlari tashkil etiladi va vagonlar soni oshiriladi

Qishki ta’til davrida yo‘lovchilarning temir yo‘l transporti qatnovlariga bo‘lgan talabini qondirish maqsadida 2024-yil 15-dekabrdan 2025-yil 12-yanvarga qadar bir qator yo‘nalishlarda qo‘shimcha poyezd qatnovlari tashkil etiladi.

Senat 2025-yil uchun Davlat budjeti to‘g‘risidagi qonunni maʼqulladi

Senatorlar o‘z chiqishlarida qonunda budjet daromadlari bazasini kengaytirish, mamlakatimizda aholi uchun munosib turmush sharoitlari yaratish, kambag‘allikni qisqartirish, taʼlim, sog‘liqni saqlash sohalarini hamda mahallalar infratuzilmasini takomillashtirish, shuningdek, tabiatni asrashni rag‘batlantirish masalalariga eʼtibor qaratilganini taʼkidladi.