25-mart kuni O‘zbekistonda sodir bo‘lgan muhim voqealar dayjesti

Poytaxtning 5 ta tumanida uch kun issiq suv ta’minoti vaqtincha to‘xtatiladi

25-26-27-mart kunlari issiqlik tarmoqlarining maksimal haroratga chidamliligi sinovdan o‘tkaziladi.

O'zbekiston polvonlari Hindistonda o'tkazilgan xalqaro turnirda 20 ta medalni qo'lga kiritdi

Belbog'li kurash bo'yicha O'zbekiston milliy terma jamoasi a'zolari Hindistonda bo'lib o'tgan xalqaro turnirda 20 ta medalni qo'lga kiritdi.

Qariyb 100 kg giyohvandlik vositalari ashyoviy dalil sifatida olindi

Hozirda barcha holatlar yuzasidan mazkur shaxslarga nisbatan Jinoyat Kodeksining tegishli moddalari bilan jinoyat ishlari qo‘zg‘atilib, qamoq ehtiyot chorasi qo‘llanildi. Tergov harakatlari olib borilmoqda.

Poytaxtning Shofayzi ko‘chasi 1-mayga qadar avtotransport harakati uchun yopiladi

Xabar berilishicha, bu hududda avtomobil yo‘li, yashil hududlar, piyodalar va velosiped yo‘laklari barpo etilishi rejalashtirilgan.

1-apreldan Samarqandda ichimlik va oqova suv narxlari oshiriladi

1-apreldan Samarqand viloyatida ichimlik va oqova suv xizmatlari bo‘yicha yangi tariflar joriy etiladi.

Farg‘onada chiqindi xizmati uchun to‘lovlar oshirildi

Farg‘ona viloyati hududida maishiy chiqindilarni to‘plash va olib chiqib ketish bo‘yicha xizmat ko‘rsatish uchun majburiy to‘lov tariflari tasdiqlandi.

Sirdaryoda “O‘zbekiston bo‘ylab sayohat qil!” ichki turizm yarmarkasi o‘tkazildi

Mazkur yarmarkada ichki turizm yo‘nalishida faoliyat olib borayotgan turoperatorlar, hunarmandlar, rassomlar, joylashtirish vositalari (mehmonxona, hostel, mehmon uyi) va boshqa turizm sohasi vakillari ishtirok etdilar.

Malayziya kompaniyasi O'zbekiston tog'-kon sanoatida loyihalarni amalga oshirmoqchi

Xorij tomoniga O'zbekistondagi istiqbolli deb topilgan xrom, nikel, magniy va kobalt, titan va dolomit konlari to'g'risida ma'lumot berildi va ushbu loyihalarni amalga oshirish imkoniyatlarini ko'rib chiqish taklif etildi.

Kadastr agentligi: Noqonuniy o‘rnatilgan bankomatlar demontaj qilinadi

O‘zbekistonda noqonuniy o‘rnatilgan bankomatlar demontaj qilinadi. Bu haqda Kadastr agentligi direktori o‘rinbosari Mirsaid Mirmaqsudov ma’lum qildi.

O‘zbekistonda 2024-yilda 66 mingdan ziyod holatda yerlarning o‘zboshimchalik bilan egallab olinishi aniqlangan

Kadastr agentligining ma'lum qilishicha, 66 109 ta holatda 9 462,3 gektar yerlarni o‘zboshimchalik bilan egallab olish bo‘yicha huquqbuzarliklar aniqlanib, berilgan yozma ko‘rsatmalar asosida 41 972 ta holatda 4 472,2 gektar yer qonunbuzilish holatlari ixtiyoriy ravishda bartaraf etildi.

O‘zbekiston turizm imkoniyatlari Xitoyning Urumchi shahrida taqdim etildi

Tadbirda Toshkent va Urumchi shaharlari turizm sohasi vakillari o‘rtasida sayyohlar sonini oshirish va turizm infratuzilmasiga investitsiya jalb qilish maqsadida bir qancha hamkorlik kelishuvlariga erishildi.

Fevralda O‘zbekistonning tashqi savdo aylanmasi 10,8 mlrd dollarni tashkil etdi

TSAda eksport hajmi 4,6 mlrd dollarni, import hajmi esa 6,2 mlrd dollarni tashkil etdi.

Shavkat Mirziyoyev keng jamoatchilik bilan birgalikda iftorlik marosimida ishtirok etdi

Niyatlar ijobat bo‘ladigan muborak Ramazon oyida, Qadr kechasi arafasida turib, ezgu tilaklar aytildi.