25-oktabr kuni O‘zbekistonda sodir bo‘lgan muhim voqealar dayjesti

Subsidiyalar "subsidyplatform.mf.uz" to'lov platformasi orqali ajratiladi

"Mahalla yettiligi" tavsiyasi asosida kambag'allikdan chiqarish dasturiga kiritilgan va uy-joy sharoitini yaxshilashga muhtoj bo'lgan shaxslarga ipoteka kreditini ajratish tartibi to'g'risidagi nizomni tasdiqlash haqida”gi hukumat qarori qabul qilindi.

Samarqandda “Jiguli”da ariqqa tushib ketgan 7-sinf o‘quvchisi vafot etdi

Samarqand viloyati Bulung‘ur tumanida maktab o‘quvchisi yo‘l-transport hodisasi sodir etdi.

Turkiyadagi o‘zbekistonliklar ogohlantirildi

O‘zbekistonning Istanbul shahridagi Bosh konsulxonasi o‘zbekistonliklardan jamoat joylarida xushyorlikni oshirish va ehtiyot choralarini ko‘rish, ayniqsa aeroport, temir-yo‘l vokzali, avtoshohbekat, kemalar stansiyalarida, metro va boshqa jamoat transportida xavfsizlik qoidalariga amal qilishlarini so‘ramoqda.

O‘zbekiston va Tanzaniya aviatsiya hukumatlari o‘rtasida kelishuv imzolandi

Muzokaralarda ikki mamlakat o‘rtasida yo‘lovchi tashish bo‘yicha haftasiga 21 marta, yuk tashish bo‘yicha esa cheksiz aviaqatnovlarni amalga oshirishni yo‘lga qo‘yish yuzasidan kelishuv imzolandi.

Shavkat Mirziyoyev ichki ishlar organlari xodimlari va faxriylarini tabrikladi

“Ushbu quvonchli ayyomda sizlarning xalqimiz osoyishtaligini ta’minlash, tinchlik va barqarorlikni mustahkamlash, jinoyatchilikka qarshi kurashish, huquqbuzarliklarning oldini olish borasidagi katta xizmatlaringizni yana bir bor minnatdorlik bilan e’tirof etamiz”, deyiladi tabrikda.

Elyor Oltiyev Buxoro viloyati sog‘liqni saqlash boshqarmasi boshlig‘i etib tayinlandi

Tayinlovga qadar Elyor Oltiyev Milliy tibbiyot markazi direktorining hududlar bilan ishlash bo‘yicha o‘rinbosari sifatida faoliyat ko‘rsatib kelayotgan edi.

Samolyot bortida sigaret chekib, janjal keltirib chiqargan shaxs 5 kunlik hibsga olindi

Huquqbuzar mast holda styuardessalarni haqoratlagan va Istanbuldan uchayotgan samolyotda yo‘lovchilarning tinchligini buzgan.

Endi poytaxtda 24/7 ish rejimida ishlovchi ko‘chalar bo‘ladi

Toshkent shahrining barcha tumanlarida zamonaviy gastronomik va sayyohlik ko‘chalari qurilmoqda.

O‘zbekistonning Sloveniyadagi birinchi elchisi tayinlandi

U mart oyidan beri Vengriyada elchi bo‘lib xizmat qilmoqda, shu haftadan boshlab esa Xorvatiyada ham elchilik vazifasiga kirishgan.

G‘ildirakli transport vositalarini ishlab chiqarishda ularga qo‘yiladigan texnik talablar loyihasi ishlab chiqildi

Reglamentni ishlab chiqishda Birlashgan Millatlar Tashkiloti Qoidalari va Yevroosiyo Iqtisodiy ittifoqining umumiy texnik reglamenti talablari qo‘llanilgan.

Xorvatiya Bosh vaziri 2025-yilda O'zbekistonga rasmiy tashrif bilan kelishi mumkin

Abdulaziz Komilov prezident Shavkat Mirziyoyevning Xorvatiya Bosh vaziriga 2025-yilda O'zbekistonga rasmiy tashrif bilan kelish bo'yicha taklifini yetkazdi.