28-aprel kuni O‘zbekistonda sodir bo‘lgan muhim voqealar dayjesti

Mirobod tumanida qurilish mahsulotlari omborida yong‘in sodir bo‘ldi

Yong‘inni bartaraf etishga 12 ta yong‘in-qutqaruv ekipaji jalb etilgan. Yong‘in 1,5 soatda o‘chirildi.

Toshkent shahrining 7 ta tumanida 2-maygacha issiq suv to'xtatildi

Yakkasaroy, Chilonzor, Shayxontohur, Mirobod, Yashnobod,  Yunusobod va Sergeli tumanlarining ayrim qismlarida ToshIEM (М-0, М-5, М-8)  tomonidan olib boriladigan rejaviy profilaktika ishlari munosabati bilan 28-apreldan 2-maygacha issiq suv uzatilishi vaqtincha to‘xtatiladi.

Gimnastikachilarimiz Jahon kubogi bosqichini 10 ta medal bilan yakunlashdi

Toshkent mezbonlik qilgan badiiy gimnastika boʻyicha Jahon kubogining uchinchi bosqichi yakunlandi. Musobaqaning soʻnggi kunida sportchilarimiz 1 ta oltin, 4 ta kumush va 3 ta bronza medallarini jamgʻarishdi.

Namanganda 25 nafar bolani olib ketayotgan Damas aniqlandi

Ushbu holat yuzasidan ma’muriy bayonnoma rasmiylashtirilib, transport vositasi vaqtincha saqlash uchun jarima maydoniga qo‘yilgan.

Hafta davomida havo harorati +38 darajagacha ko‘tariladi

Respublika hududining katta qismida yoz kabi 35-38 darajagacha issiq bo‘ladi.

Navoiyda 26 mlrd so‘mlik tabiiy gazdan noqonuniy foydalangan metan zapravka aniqlandi

Mazkur holat yuzasidan huquqni muhofaza qilish organlari tomonidan tergovga qadar tekshiruv ishlari olib borilmoqda.

YHXX: Jarima ballari 1-maydan kuchga kirmaydi

Yoʻl harakati xavfsizligi xizmati matbuot kotibi Zoyir Yoʻldoshevning maʼlum qilishicha, jarima ballarini hisoblash tartibi toʻgʻrisidagi normativ-huquqiy hujjat belgilangan tartibda ishlab chiqilmoqda.

Tatariston Respublikasi Raisi Rustam Minnixanov “Chirchiq” kimyo-industrial texnoparkiga tashrif buyurdi

Texnopark rezidenti bo‘lgan kompaniyalar vakillari bilan uchrashuvlar o‘tkazilib, istiqbolli loyihalarni rivojlantirish masalalari muhokama qilindi.

Normativ-huquqiy hujjatlar loyihalarini ilmiy ekspertizadan o‘tkazish tartibi belgilandi

Mazkur uslubiyot normativ-huquqiy hujjatlar loyihalarini ilmiy ekspertizadan o‘tkazishni tashkil etish, unda foydalaniladigan tadqiqot usullari hamda ilmiy ekspertiza natijalari bo‘yicha xulosani tuzish va rasmiylashtirish tartibini belgilaydi.

Samarqand MAGATEning Yevropa va Markaziy Osiyo bo'yicha texnik hamkorlik dasturi milliy koordinatorlari yig'ilishini qabul qiladi

Shu yilning 14-16-may kunlari qadimiy Samarqand shahrida Atom energiyasi bo'yicha xalqaro agentlik (MAGATE)ning Yevropa va Markaziy Osiyo bo'yicha Texnik hamkorlik dasturi milliy koordinatorlarining navbatdagi yig'ilishi bo'lib o'tadi.

O‘zbekistonning qator hududlarida "Umra" haqida noqonuniy reklama joylashtirganlar jarimaga tortildi

12 dan ortiq litsenziyaga ega bo‘lmasdan reklama materiallari tarqatayotgan axborot resurslarini yurituvchi shaxslarga aniqlik kiritish maqsadida Ichki ishlar vazirligi Kiberxavfsizlik markaziga maʼlumot kiritildi.

Farg‘onada 1-maydan ichimlik va oqova suv xizmatlari narxi oshadi

Farg‘ona viloyatida ichimlik suvi taʼminoti va oqava suv xizmatlari uchun yangi narxlar tasdiqlandi.

O‘zbekiston Prezidenti "INNOPROM" xalqaro ko‘rgazmasiga tashrif buyurdi

Prezident Shavkat Mirziyoyev "INNOPROM. Markaziy Osiyo" beshinchi xalqaro sanoat ko‘rgazmasiga tashrif buyurdi. Tadbir doirasida Rossiya Hukumati Raisining birinchi o‘rinbosari Denis Manturov boshchiligidagi delegatsiya bilan uchrashuvlar bo‘lib o‘tdi.

Toshkentdagi Milliy kutubxona yaqinidagi ko‘chalarda transport harakati 5 kunga cheklanadi

Toshkent shahridagi Zarafshon, Istiqlol va Buyuk Turon ko‘chalarining baʼzi qismlari 29-apreldan 3-maygacha transport harakati uchun yopiladi.

Oliy Majlis Senatining oltinchi yalpi majlisi 29-aprel kuni chaqiriladi

Yalpi majlisda ekologik barqarorlikni taʼminlash maqsadida “Issiqxona gazlarining chiqarilishini cheklash to‘g‘risida”gi qonun ko‘rib chiqiladi. Unda issiqxona gazlari chiqarilishini kamaytirish natijasida hosil bo‘ladigan uglerod birliklari muomalasi tartibini belgilash hamda issiqxona gazlari chiqarilishi ustidan tizimli nazoratni taʼminlashga eʼtibor qaratilgan.