5-noyabr kuni O‘zbekistonda sodir bo‘lgan muhim voqealar dayjesti

DXX: tuman hokimlari o‘rinbosarlari va yordamchilarining noqonuniy harakatlariga chek qo‘yildi

Hozirda mazkur shaxslarga nisbatan jinoyat ishi qo‘zg‘atilib, tergov harakatlari olib borilmoqda.

Nyu-Yorkka uchgan samolyot yo‘lovchining sog‘lig‘i yomonlashgani sabab Toshkentga qaytdi

Parvoz davomida havo kemasi komandiri Rossiya fuqarosi bolgan yo‘lovchining  o‘zini yomon his qilgani sababli uchib ketish aeroportiga qaytishni so‘ragan.

Shoir Mansur Jumayev 33 yoshda vafot etdi

Uzreport.news tahririyati marhumning oila a’zolariga chuqur hamdardlik bildiradi.

Suv omborlari to‘g‘onlarining siljish dinamikasi kosmik monitoring qilinadi

“Damba”larning siljish va cho‘kish dinamikasi “O‘zbekkosmos” agentligi tomonidan kosmik nazoratga olinadi.

O‘zbekiston Xitoy bilan kichik yadroviy reaktorlarni qo‘llash va uranni qayta ishlash bo'yicha hamkorlik qiladi

Tomonlar uran rudasini qazib olish, qayta ishlash, shuningdek, ishlab chiqarishni kengaytirish sohasidagi hamkorlik va yuqori qo‘shilgan qiymatli tayyor mahsulotlarni eksport qilish va keyinchalik AESlarda yoqilg‘idan foydalanish masalarini muhokama qildi.

Markaziy bank: O‘zbekistonliklarning valyuta xaridi va sotuvi o‘rtasidagi farq $4,8 mlrdni tashkil etdi

Joriy yilning to‘qqiz oyi yakuniga ko‘ra, o‘zbekistonliklar banklarga xaridga nisbatan $4,8 mlrdga ko‘p chet el valyutasini sotgan. Iyul-sentabr oylarida oylik savdo hajmi $1,5 mlrdni tashkil etdi, bu xorijiy valyutaga bo‘lgan talabdan deyarli ikki baravar ko‘pdir.

Sirdaryoda brilliant toshlar o‘rnatilgan 6 kgdan ortiq taqinchoqlarni olib kirmoqchi bo‘lgan ayol ushlandi

Bojxona nazoratidan yashirilgan jami 922 dona tilladan yasalgan brilliant toshlar o‘rnatilgan zargarlik buyumlarining umumiy og‘irligi 6,7 kg dan oshiqroq bo‘lib, umumiy qiymati 5,6 mlrd so‘mni tashkil qildi.

8,1 mlrd so‘mlik 24 ta davlat xaridi qonunchilikka zid tarzda o‘tkazilishining oldi olindi

Korrupsiyaga qarshi kurashish agentligi tomonidan joriy yilning sentyabr-oktyabr oylarida davlat buyurtmachilari tomonidan qariyb 8,1 mlrd so‘mlik 24 ta davlat xaridida sohaga oid qonunchilikka zid holatlar aniqlandi.

Sport sohasida korrupsiyaning oldini olish choralari yanada kuchaytiriladi

Prezident tomonidan imzolangan qonun bilan Jinoyat kodeksiga qo‘shimchalar kiritildi.

Xitoy kompaniyasi O‘zbekistonda shamol turbinalari uchun parrak ishlab chiqarishni rejalashtirmoqda

Xitoyning Sino-Wind Energy kompaniyasi O‘zbekistonda shamol generatorlari uchun parraklar ishlab chiqaruvchi korxona tashkil etishni rejalashtirmoqda.

Jo‘rabek Rahimov Xorazm viloyati hokimi lavozimiga qayta tasdiqlandi

U viloyatga 2022-yildan buyon rahbarlik qilib kelmoqda.

Rossiyaning Ukrainaga qarshi urushida qatnashgan O‘zbekiston fuqarosi 5 yilga qamaldi

Sud 51 yoshli o‘zbekistonlikni Rossiyaning Ukrainaga qarshi urushida ishtirok etgani uchun besh yilga ozodlikdan mahrum qilish haqida hukm chiqardi.

Zulfiya mukofoti talabgorlarini tanlash tartibi belgilandi

Zulfiya nomidagi davlat mukofoti talabgorlarini tanlash, ularning hujjatlarini rasmiylashtirish va taqdim etish tartibi hamda yo‘nalishlar bo‘yicha talabgorlarning yutuqlari, ilmiy-ijodiy va amaliy ishlarini baholash mezonlari belgilandi.

Qamchiq dovonida yana yuk mashinasi yonib ketdi

Yong‘in avtomobilning nosoz old g‘ildiragi chiqib ketishi natijasida kelib chiqqan.

“Do‘stlik” chegara bojxona posti vaqtincha yopiladi

Andijon viloyatidagi “Do‘stlik” chegara bojxona posti harakatlanuvchi tashuvchilar va haydovchilar uchun yopiladi.

Qashqadaryoda haydovchi voyaga yetmagan yo‘lovchi qizga jinsiy tajovuz qilgani aytilmoqda

Jabrlanuvchi protsessual normalar talabiga ko‘ra, ariza yozish uchun yana huquq-tartibot idoralari xodimlariga murojaat qilgan, ammo ular ariza yozishga hojat yo‘qligini aytib, qizni yana uyiga jo‘natgan. Voqea sodir bo‘lganiga va huquq-tartibot idoralariga murojaat qilinganiga 10 kun bo‘lgan.

DXX: Toshkent viloyatida MIB, soliq, bojxona xodimlari pora bilan ushlandi

Korrupsiyaga qarshi kurashish doirasida Davlat xavfsizlik xizmati xodimlari tomonidan Toshkent viloyatida bir nechta tezkor tadbirlar o‘tkazildi.

Namanganda aholiga ajratilgan 13,3 ming tonna ko‘mirni sotib yuborgan mas’ullar ushlandi

Qoraqalpog‘iston Respublikasi va Xorazm, Namangan viloyatlarida ko‘mir ta’minotidagi talon-torojliklar fosh etildi.