Bayden Ukrainani qo'llab-quvvatlashni Moliya vazirligi va Davlat departamentiga topshirdi

22-iyul, dushanba kuni Oq uy saytida e’lon qilingan bayonotga ko'ra, AQSh prezidenti Jo Bayden “Ukrainaliklarning iqtisodiy tiklanishi va imkoniyatlari to‘g‘risida”gi qonun doirasidagi vakolatlarini Amerika moliya vaziri Janet Yellen va davlat kotibi Entoni Blinkenga topshirdi.

Matndan ko'rinib turibdiki, prezident Rossiyaning muzlatilgan aktivlarini musodara qilish imkoniyati bilan bog'liq vakolatlarni Ukraina foydasiga o'tkazadi. Bundan tashqari, ushbu hujjatda ko'rsatilgan vakolatlarni topshirish "bo'lajak hukumat qonunlarining ushbu memorandumda ko'rsatilgan qoidalar bilan bir xil yoki deyarli bir xil bo'lgan har qanday qoidalariga nisbatan qo'llaniladi".

Jo Bayden COVID-19 bilan kasallangan va karantinga tushgan

18-iyul kuni Jo Bayden koronavirus bilan kasallangani va Delaverdagi uyida o'zini izolyatsiya qilgani ma'lum bo'ldi. Ta’kidlanganidek, u bundan buyon ham davlat rahbariga yuklatilgan vazifalarni to‘laqonli ado etadi. Baydenning davolovchi shifokori Kevin O'Konnor 22-iyul kuni Oq uy rahbarida kasallik alomatlari deyarli yo‘qligini aytdi.

Jo Baydenning saylovdan voz kechishi va Kamala Xarris nomzodi

Jo Bayden 21-iyul kuni AQSh prezidentligi saylovlaridan o‘z nomzodini olishini ma’lum qildi. Amaldagi davlat rahbari bu qarorni Demokratik partiya va butun mamlakat manfaatlarini ko‘zlab qabul qilganini alohida ta’kidladi. Bayden tez orada xalqqa murojaat qilib, tafsilotlarni aytib berishga va'da berdi. Prezidentning qo‘shimcha qilishicha, u amaldagi muddatining qolgan qismida asosiy e’tiborini prezidentlik vazifalarini bajarishga qaratadi.

Bayden o'zining o'rniga amaldagi vitse-prezident Kamala Xarrisni prezidentlikka nomzod sifatida taklif qildi va uni "to'liq qo'llab-quvvatlashini" bildirdi. 

"Demokratlar - birlashish va Trampni yengish vaqti keldi. Keling, buni qilaylik!" - deb yozdi u X ijtimoiy tarmog'ida.

Kamala Xarris keyinroq hukumatning eng yuqori lavozimiga nomzodini qo'yishni rejalashtirayotganini e'lon qildi. 

"Mening nomzodimni prezident maq'qullashini sharaf deb bilaman va g'alaba qozonish niyatidaman", dedi u.

Shuningdek, Kamala Xarris respublikachi Donald Trampni mag'lub etish uchun "Demokratik partiya" va xalqni birlashtirish uchun "hamma narsani qilishini" qo'shimcha qildi.