Tramp ma'muriyati G'azo bo'yicha kelishuvning ikkinchi bosqichi ustida ish boshladi

AQSh prezidenti Donald Tramp ma’muriyati Isroil va Falastinning HAMAS o‘rtasidagi bitimning ikkinchi bosqichi bo‘yicha kelishuvga erishdi, bu esa qolgan garovga olinganlarni ozod qilish, doimiy o‘t ochishni to‘xtatish va Isroil qo‘shinlarini to‘liq olib chiqib ketishni nazarda tutadi, deb yozadi Politico gazetasi.

"Bayden bizga qoldirgan narsa - bu oxirning boshlanishi emas, balki boshlanishining oxiri", dedi Donald Tramp jamoasidagi ism-sharifi oshkor qilinmagan AQSh rasmiysi Politico nashriga. 

AQSh prezidentining milliy xavfsizlik bo'yicha maslahatchisi Mayk Uolz va bir kun avval, 21 yanvar kuni o'z lavozimiga kirishgan Davlat kotibi Marko Rubio bu masalani "darhol" ishlab chiqishga kirishdilar, deb yozadi gazeta. Manbalar Isroil va Saudiya Arabistoni o'rtasidagi munosabatlarni normallashtirishni yangi ma'muriyatning Yaqin Sharq siyosatidagi ustuvor yo'nalishlaridan biri deb atagan.

G‘azo sektorida 19 yanvardan boshlab Isroil va HAMAS Qatarda AQSh ishtirokidagi bilvosita muzokaralar yo‘li bilan kelishib olgan o‘t ochishni to‘xtatish rejimi amal qila boshladi. 42 kun davom etadigan birinchi bosqichda jangarilar 1890 falastinlik asir evaziga 33 nafar garovga olinganlarni ozod qilishlari kerak (hozirgacha 90 nafar falastinlik evaziga 3 nafar mahbus ozod qilingan). Isroil qo'shinlari G'azo sektori chegaralarigacha chekinishi kerak, ammo hozircha o'z chegaralari ichida qolmoqda.