12-fevral kuni O‘zbekistonda sodir bo‘lgan muhim voqealar dayjesti

O'zbekistondagi ikkilamchi avtomobil bozorida narxlar qanday o‘zgargani e'lon qilindi

Ikkilamchi avtomobil bozorida mahalliy avtomobillar hamda elekromobillar narxlarida pasayish tendensiyasi 2025-yilning yanvar oyida ham davom etdi.

Xarbin-2025: Dmitriy Chigirey hamda Yekaterina Geynish juftligi oltin medalga sazovor boʻldi

Oʻzbekiston delegatsiyasi 26 yillik tanaffusdan keyin qishki Osiyo oʻyinlarining oltin medaliga sazovor boʻldi.

Ma'rifiy faoliyatni amalga oshirish tartibi belgilandi

Ma’rifiy faoliyatni amalga oshirish tartibi to‘g‘risidagi nizom bilan ushbu faoliyat ishtirokchilarining huquqlari, majburiyatlari va bunda taqiqlanadigan xatti-harakatlar belgilandi.

Ayrim kasaba uyushmalarining bo'linmalarini hisobga qo'yish tartibi belgilandi

“Yuridik shaxs maqomiga ega bo'lmagan kasaba uyushmalarining bo'linmalarini va boshlang'ich kasaba uyushmalari tashkilotlarini hisobga qo'yish tartibi to'g'risida”gi nizom tasdiqlandi.

Kambag'al oilalar reyestriga kiritilgan ayrim oilalarga subsidiya ajratiladi

Farmonga ko'ra, 2025-yil 1-apreldan “Yoshlar daftari” jamg'armalari orqali, 2025 yil 1 sentabrdan esa “Ayollar daftari” jamg'armalari orqali to'lanadigan bir martalik moddiy yordamlar o'rniga kam ta'minlangan oilalar uchun nazarda tutilgan nafaqalar to'lanadi.

2024-yilda O'zbekistonda 21 mingga yaqin shaxs qamaldi

Sudlangan shaxslar soni 61 502 nafarni tashkil etib, shundan 20 659 nafar shaxsga ozodlikdan mahrum qilish va 39 763 nafariga boshqa turdagi jazolar tayinlandi, 1 080 nafar shaxs shartli hukm qilindi.

O‘zbekistonda plastik chiqindilarni kamaytirish bo‘yicha qonun loyihasi ishlab chiqiladi

Ekologiya vazirligi 2025-yil 1-noyabrga qadar plastik chiqindilarni qisqartirish bo‘yicha quyidagi xalqaro tan olingan mexanizmlarni nazarda tutuvchi qonun loyihasini ishlab chiqadi.

O‘zbekiston va Indoneziya diplomatlar uchun o‘zaro vizasiz rejim joriy qiladi

O‘zbekiston tashqi ishlar vaziri Baxtiyor Saidov indoneziyalik hamkasbi Sugiono bilan uchrashuv o‘tkazdi.

Fuqarolar yig'ini raislarining vakolat muddati 5 yilga uzaytirildi

Qonunga ko'ra “Fuqarolarning o'zini o'zi boshqarish organlari to'g'risida”gi va “Fuqarolar yig'ini raisi saylovi to'g'risida”gi qonunlariga fuqarolar yig'ini raisi vakolatlari muddati 3 yildan 5 yilga uzaytirilishini, bo'shab qolgan o'rinlarga fuqarolar yig'inlari raislarining 5 yil muddatga saylanishini nazarda tutuvchi o'zgartirish va qo'shimchalar kiritilmoqda.

Mikromoliya banklarini tashkil etishga ruxsat beriladi

Qonun bilan mikromoliya tashkilotlarini mikromoliya banklariga va mikromoliya banklarini tijorat banklariga hamda aksincha transformatsiya qilish uchun huquqiy asos yaratilmoqda.