2-oktabr kuni O‘zbekistonda sodir bo‘lgan muhim voqealar dayjesti

O‘zbekiston va Janubiy Koreya aviatsiya ma’muriyatlari o‘rtasida Anglashuv memorandumi imzolandi

O‘zbekiston bilan Koreya o‘rtasidagi amaldagi muntazam aviaqatnovlar sonini har bir tomon aviakompaniyalari uchun haftasiga 10 tadan 24 taga oshirish huquqi berildi.

O‘zbekistonda Paypal, Apple Pay va Google Pay ishga tushishi kutilmoqda

Turizmni rivojlantirishga oid hukumat qarori bilan, Markaziy bankka shu yil oxirigacha Paypal, Alipay, UniPay, Apple Pay va Google Pay kabi xalqaro onlayn to‘lov kompaniyalari bilan muzokara o‘tkazib, ularni O‘zbekistondagi to‘lov tizimlari va bank xizmatlariga ulash choralarini ko‘rish topshirildi.

Yangilangan WBO reytingidan 7 nafar o‘zbek bokschisi joy oldi

Hozirda WBO reytingida eng yaxshi o‘rin yarimo‘rta vazn toifasida Shahram G‘iyosovga tegishli bo‘lib turibdi.

Mahalliy mehnat organlariga murojaat qilayotgan fuqarolardan ortiqcha hujjatlar talab etilishining oldi olinadi

Kambag'allikni qisqartirish va bandlik vazirligining hamda Iqtisodiyot va moliya vazirligining nomlanishi aniqlashtirilmoqda, shuningdek oilaviy (maishiy) zo'ravonlikdan jabrlangan shaxslar aholining ijtimoiy jihatdan ehtiyojmand toifasiga kiritilmoqda.

Qishloq xo'jaligi va oziq-ovqat yo'nalishidagi subsidiyalar maqbullashtiriladi

“Qishloq xo'jaligi vazirligi huzuridagi Agrosanoatni rivojlantirish agentligi faoliyatini tashkil etish to'g'risida”gi prezident qarori qabul qilindi.

Turoperatorlarga xorijliklarni jalb qilish uchun 25 mlrd so‘mgacha mablag‘ ajratiladi

Kredit liniyasi doirasida bitta kompaniya 25 mlrd so‘mgacha mablag‘ olishi mumkin bo‘ladi. Kredit olish uchun u ariza berish paytida kamida 1 yil ishlagan bo‘lishi kerak, shuningdek, loyihani moliyalashtirishning kamida 15%ini o‘z mablag‘lari hisobidan ta’minlashi kerak.

Meva-sabzavot mahsulotlari yetishtiruvchilarni baholash tizimi joriy etiladi

2024-yil 1-dekabrdan fermer va dehqon xo'jaliklarining nufuzini oshirish, qayta ishlovchi va eksport qiluvchi korxonalarga ko'maklashishga qaratilgan “meva-sabzavot mahsulotlari yetishtiruvchilarni baholash” tizimi joriy etiladi.

Agrosanoat sohasida yangi bozor mexanizmlari joriy etiladi

“Respublikada agrosanoat sohasiga yangi bozor mexanizmlarini joriy etish hamda sanoatlashgan bog' va tokzorlarni barpo qilishning qo'shimcha chora-tadbirlari to'g'risida”gi prezident farmoni qabul qilindi.

Isroildagi o‘zbekistonliklar ogohlantirildi

O‘zbekistonning Isroildagi elchixonasi fuqarolarga tezkor ehtiyot choralarini ko‘rishni tavsiya qildi.

Samarqand arxitektura-qurilish universitetida yong‘in sodir bo‘ldi

Yong‘in natijasida eski qurilish mahsulotlari yonib zararlangan. Hodisa oqibatida jabrlangan va halok bo‘lganlar yo‘q.