21-yanvar kuni O‘zbekistonda sodir bo‘lgan muhim voqealar dayjesti

«Manchester Siti» Abduqodir Husanov transferini e’lon qildi

APL chempioni o‘zbekistonlik himoyachi bilan 2029 yilgacha shartnoma tuzdi. Kelishuvni yana bir yilga uzaytirish imkoniyati bor.

“Manchester Siti” futbol direktori Abduqodir Husanov haqida fikr bildirdi

“Biz uni saflarimizga qo‘shilganidan juda mamnunmiz va uning jamoaga hissa qo‘shishini sabrsizlik bilan kutmoqdamiz. Yosh bo‘lishiga qaramay, Abduqodir juda aqlli futbolchi. U kuchli, agressiv va nihoyatda tezkor. Pep bilan ishlash uni yanada kuchliroq qiladi”, dedi Chiki Bergistayn.

Paxta xomashyosining boshlang'ich narxi Nyu-York birjasidagi fyuchers kotirovkalaridan kelib chiqib belgilanadi

“Paxta xomashyosini yetishtirish va sotishda bozor mexanizmlarini qo'llashni izchil davom ettirish chora-tadbirlari to'g'risida”gi prezident farmoni qabul qilindi.

Paxta xomashyosini o'z mablag'lari hisobidan yetishtirganlarga belgilangan miqdorda subsidiya ajratiladi

2025-yil hosilidan paxta xomashyosini o'z mablag'lari va tijorat kreditlari hisobidan yetishtirib, Birjada sotgan xo'jaliklarga shakllangan hisobvaraq-faktura qiymatining 10 foizi miqdorida subsidiya ajratiladi.

O‘zbekiston 2024-yilda Xitoyga $627,6 mlnlik gaz eksport qildi

2024-yil yakunlariga ko‘ra, O‘zbekiston ketma-ket ikkinchi yil gazning sof importchisiga aylandi.

Farg‘onada qimorxona tashkil qilgan shaxslar IIB xodimlariga bolta va pichoq bilan hujum qildi

Tezkor tadbir davomida yuqoridagi shaxslar tomonidan IIB xodimlariga bolta va pichoq bilan ko‘rsatilgan faol qarshilikka qaramasdan, gumonlanuvchilarning barchasi jinoyat ustida qo‘lga olindi.

Aholi bandligini ta'minlash, ularni tadbirkorlikka jalb qilish va daromadlarini oshirish bo'yicha yangi yondashuvlar joriy qilinadi

Qarorga ko'ra, 2025-yilda aholini daromadli mehnat bilan ta'minlash dasturi hamda uning doirasida maqsadli ko'rsatkichlar tasdiqlandi.

Toshkent xalqaro aeroportida 2 nafar qizni Turkiyaga fohishalikka jo‘natayotgan ayol ushlandi

Hozirda ushlangan shaxsga nisbatan jinoyat ishi qoʻzgʻatilgan. Tergov harakatlari olib borilmoqda.

Kambag'al oilalar a'zolarini kasb-hunarga o'qitish xarajatlarini qoplab berish bo'yicha vaucher tizimi joriy qilinadi

2025-yil 1-fevraldan kasblarga o'qitish maqsadida ajratiladigan stipendiyalar nogironligi bo'lgan shaxslarga, shuningdek, muddati 3 oydan ko'p davom etadigan o'quv kurslariga qabul qilingan Kambag'al oilalar reyestridagi oilalarning ishsiz a'zolariga to'lanadi.

Qamoqqa olinganlar dastlab majburiy tibbiy ko‘rikdan o‘tkaziladi

Qonunchilikda shaxsni tergov hibsxonasiga joylashtirishdan oldin uni tergov hibsxonasining o‘zida majburiy tibbiy ko‘rikdan o‘tkazish tartibi belgilanmoqda. Tibbiy ko‘rik davomida shaxsning tanasida jarohat va shikastlanishlar aniqlangan taqdirda zudlik bilan prokurorga xabar berilishi tartibi o‘rnatilmoqda.

Shavkat Mirziyoyev AQSh prezidenti Donald Trampni ushbu lavozimga rasmiy kirishgani munosabati bilan tabrikladi

Davlat rahbari o‘z maktubida Donald Trampning yangi muddatdagi faoliyati davomida AQShning xalqaro maydondagi nufuzi va obro‘-eʼtibori, iqtisodiy qudrati va salohiyati, global miqyosdagi o‘rni va ahamiyati yana-da ortishiga ishonch bildirdi. Shuningdek, Shavkat Mirziyoyev Donald Trampni tashrif bilan O‘zbekistonga kelishga taklif etdi.

Qishloq xo'jaligi vazirligi: O'zbekistonga kartoshka importi faqat Qozog‘istonga bog‘lanib qolmagan

Ijtimoiy tarmoqlarda Qozog‘iston Respublikasi kartoshka eksportiga cheklov qo‘ygani, bu esa O'zbekistonda kartoshka narxining sezilarli darajada oshishiga olib kelishi haqida xabarlar tarqalmoqda. Holat yuzasidan Qishloq xo'jaligi vazirligi rasmiy munosabat bildirdi.

Milliy gvardiya xodimi endilikda fuqaroga murojaat etganida o‘zini tanishtiradi

Amaldagi qonunchilikda Milliy gvardiya xodimi xizmat vazifalarini bajarishi yuzasidan fuqarolarga murojaat etganda yoki unga fuqaro murojaat etganda o‘zini tanishtirish tartibi belgilanmagan edi. Bu esa amaliyotda ayrim eʼtirozlarga sabab bo‘lmoqda.

2024-yilda O‘zbekistonning tashqi savdo aylanmasi 65,9 mlrd AQSH dollariga yetgan

Bu davrda respublika 198 ta mamlakat bilan savdo aloqalarini amalga oshirdi.