23-iyun kuni O‘zbekistonda sodir bo‘lgan eng muhim voqealar dayjesti

Jigar uchun foydali bo‘lgan 10 ta mahsulot

Jigar – inson organizmidagi eng muhim organlardan biri. U qonni zararli moddalardan tozalab, tanada vitamin va minerallarni saqlaydi. Shuningdek, yallig‘lanishni nazorat qilib, energiya ishlab chiqaradi.

Ruxshona O‘ktamova jahon rekordini yangiladi

Gruziya poytaxti Tbilisi shahrida para pauerlifting bo‘yicha jahon kubogi bo‘lib o‘tmoqda. Unda yoshlar o‘rtasida -61 kg vazn toifasida bahslarga kirgan hamyurtimiz Ruxshona O‘ktamova 109 kg natija qayd etgan holda oltin medalni qo‘lga kiritdi. Eʼtiborli jihati, vakilimiz ushbu natija orqali o‘ziga tegishli bo‘lgan yoshlar o‘rtasidagi jahon va qitʼa rekordini ham yangilashga muvaffaq bo‘ldi.

O'zbekistonda ishbilarmonlik faolligi indeksi o‘tgan yilning mos davriga nisbatan 7 foizga o‘sgan

2024-yil may oyida ishbilarmonlik faolligi indeksi 8 ta hududda o‘tgan aprel oyiga nisbatan o‘sish kuzatilgan. Toshkent shahri (52,5%), Navoiy (44,2%), Samarqand (7,2%), Buxoro (6,1%) viloyatlari va Qoraqalpog‘iston Respublikasida (8,1%) sezilarli darajada o‘sish kuzatilgan.

Farg‘onada kriminal avtoritet bo‘lishga urinayotgan shaxs qo‘lga olindi

Aniqlanishicha, u 2022-2023-yillarda “Baxti Tashkentskiy” va ”Salimboyvachcha” bilan tanishib, ular bilan yaqin aloqada bo‘lgan hamda jinoyat olamida yetakchi bo‘lishga uringan.

So‘nggi 5 yil ichida O‘zbekiston va Mo‘g‘uliston o‘rtasidagi tashqi savdo hajmi 7 baravar oshdi

Shu davr mobaynida O‘zbekistonning Mo‘g‘ulistonga eksporti 1,5 million dollardan 10,2 million dollargacha 6,8 baravar oshdi. Mo‘g‘ulistondan import hajmi esa 519,04 ming dollardan 3,61 million dollargacha, 6,9 baravar oshdi.

O'tgan 5 oyda Toshkent shahri O‘zbekiston tashqi savdo aylanmasini eng yuqori ulushini egalladi

Statistika agentligi maʼlumotlariga ko‘ra, 2024-yilning yanvar-may oylarida Toshkent shahri O‘zbekistonning tashqi savdo aylanmasi tarkibida 39,1 % bilan eng yuqori ulushni egallagan.

Mavsumiy xastalik: Yozda salmonellyozga chalinish nega ko‘payadi?

Yozning jazirama kunlarida aholi orasida mavsumiy kasalliklar ko‘p kuzatiladi. Shulardan biri salmonellyozdir. Xo‘sh, bu xastalik qanday kelib chiqadi? Uning o‘ziga xos belgilari va oldini olish usullari nimalardan iborat?

O‘zbekiston chiqindi gazlarni kamaytirgani uchun Jahon banki to‘lovini olgan dunyodagi birinchi davlat bo‘ldi

Energetika sektorida emissiyalarni kamaytirish bo‘yicha hukumat siyosatini qo‘llab-quvvatlash dasturi doirasida erishgan natijalari evaziga O‘zbekiston Jahon bankidan to‘lov qabul qilgan dunyodagi birinchi davlat bo‘ldi.

Urganch xalqaro aeroporti vaqtincha yopildi

20-iyuldan 7-avgustgacha Urganch xalqaro aeroporti uchish-qo‘nish yo‘lagini kapital ta’mirlash ishlari olib boriladi. Rekonstruksiya davrida barcha rejalashtirilgan reyslar Nukus xalqaro aeroportiga yo‘naltiriladi.

Qashqadaryodagi universitetda yigit qizga 8 marta pichoq sanchib, o‘zini ham jarohatladi

Holat yuzasidan jinoyat ishi qo‘zg‘atilgan. Jinoyat ishi bo‘yicha dastlabki tergov harakatlari shahar prokuraturasi tomonidan olib borilmoqda.

Malayziya kompaniyasi O'zbekiston bilan kimyo sanoati va "yashil" energiya sohalarida hamkorlik qilishga qiziqish bildirmoqda

O'zbekiston elchisi Karomiddin Gadoyev Malayziyaning "Hextar Global" kompaniyasi qarorgohiga tashrif buyurdi va kompaniya rahbari Ervan bin Taxir bilan uchrashuv o'tkazdi.

Voronejda xavfsizlik kuchlari 45 nafar o‘zbekistonlik mehnat migrantini ushladi

Tashqi mehnat migratsiyasi agentligining ma'lum qilishicha,   "Razvitiye” qurilish hududida 45 nafar O‘zbekiston fuqarosi mehnat faoliyatini amalga oshirayotgan bo‘lib, ularning 12 nafari norasmiy ishlagan.

Toshkent shahridagi shifoxonada juda ko‘p miqdordagi budjet mablag‘lari talon-toroj qilingani aniqlanib, jinoyat ishi qo‘zg‘atildi

Ibn Sino nomidagi 1-sonli Toshkent shahar klinik shifoxonasida juda ko‘p miqdordagi budjet mablag‘lari talon-toroj qilingani aniqlandi.