26-noyabr kuni O‘zbekistonda sodir bo‘lgan muhim voqealar dayjesti

“Har bir tumanda 4−5 tadan shunday zonalar bo‘lsa, Toshkent biz kutgandek, haqiqiy sanoat zonasiga aylanadi” —  Prezident

Shavkat Mirziyoyev Toshkent shahrining Yangihayot tumanida qurilayotgan “Yangi avlod” maxsus sanoat zonasining ahamiyatini ta’kidladi.

Turkiyadagi o‘zbekistonliklar ogohlantirildi

So‘nggi paytlarda Turkiyada soxta 50 va 100 dollarlik kupyuralar tarqalish holatlari kuzatilmoqda.

BAAda isroillik ravvinni o‘ldirganlikda gumon qilinayotgan o‘zbekistonliklar yuzasidan rasmiy maʼlumot berildi

O‘zbekistonning Dubaydagi bosh konsulxonasi holat yuzasidan bayonot berdi.

Turkiyada yashirinib yurgan O‘zbekiston fuqarolarini ushlash amaliyoti kuchaytiriladi

Bosh konsulxona xabariga ko‘ra, so‘nggi yillar davomida O‘zbekistonda tergov va suddan yashiringan ayrim shaxslarning Turkiya hududida yashirinishga urinishi bilan bog‘liq ko‘plab holatlar kuzatilmoqda.

Energetika vazirligi va tizim korxonalari 24/7 ish rejimiga o‘tdi

Vazirlik va tizim korxonalari tomonidan kuz-qish mavsumini betalafot o‘tkazish uchun kunu tun navbatchilik joriy etilgani, avariyalarning oldini olish va bartaraf etish uchun maxsus brigadalar tashkil qilingani maʼlum qilindi. Ushbu brigadalar zarur texnikalar, materiallar va himoya vositalari bilan taʼminlangan.

“Botanika bog‘lari” muhofaza etiladigan tabiiy hududlar ro‘yxatiga kiritilyapti

“Botanika bog‘lari” va ularning yerlarini ham begonalashtirish, ularning hududida bino-inshootlar qurish yoki qurilish osti maydonlarini kengaytirish ta’qiqlanmoqda. Ushbu qonun loyihasi deputatlar tomonidan birinchi o‘qishda qabul qilindi.

2025-yilda inflyatsiya darajasi 7 foiz bo‘lishi kutilmoqda

Oliy Majlis Qonunchilik palatasining majlisida “2025-yil uchun O‘zbekiston Respublikasining Davlat budjeti to‘g‘risida”gi qonun loyihasi birinchi o‘qishda ko‘rib chiqildi.

Toshkentda 1-yanvardan avtobus va metro yo‘lkira narxlari 3 ming so‘m bo‘lishi kutilmoqda

Yo‘lkira haqi elektron to‘langanda miqdor 1 700 so‘mga aylanadi.

O‘zbekiston TIV rahbari yahudiy ravvinning o‘limi yuzasidan hamdardlik bildirdi

O‘zbekiston ravvin Svi Kogan o‘ldirilishini tergov qilishda BAA va Isroil bilan hamkorlik qilmoqda.

Toshkent hokimligi datchiklar havoning yuqori darajada iflos qilib ko‘rsatishini tuman bilan izohladi

Poytaxt maʼmuriyatining maʼlum qilishicha, Toshkentdagi havo sifatini nazorat qiluvchi sensorlar tuman tufayli mikrozarrachalar kontsentratsiyasi darajasini oshirib yuborishi mumkin.

"Kimdir yo‘qotishi mumkin, lekin JST adolatli savdo tartib-tamoyillari degani"— Jamshid Qo‘chqorov

Bosh vazir o‘rinbosari Jamshid Qo‘chqorov eksportyorlarga foyda va aylanmadan soliq bo‘yicha berilgan imtiyozlar 2025-yildan bekor qilinayotgani mamlakatning JSTga a’zo bo‘lishi bilan bog‘liqligini aytdi.