30-oktabr kuni O‘zbekistonda sodir bo‘lgan muhim voqealar dayjesti

Farg‘onada bir kishiga 4 tadan ortiq saylov byulletenlarini bergan o‘qituvchi jazoga tortildi

29-oktyabr kuni Jinoyat ishlari bo‘yicha Dang‘ara tuman sudida 38 yoshli o‘qituvchi saylov qonunchiligini buzgani sabab jazoga tortildi.

2025-yildan barcha shirin ichimliklarga aksiz solig‘ini joriy etish rejalashtirilmoqda

2025-yildan boshlab aksiz solig‘ini barcha shirin ichimliklarga nisbatan qo‘llanilishi rejalashtirilmoqda. Bu haqda Iqtisodiyot va moliya vazirligida bo‘lib o‘tgan yig‘ilishda vazir o‘rinbosari Ahadbek Haydarov ma’lum qildi.

Toshkent shahrida bog‘chada o‘g‘il bola yuz va lablari bo‘yalgan holda ayollar raqsini ijro etishga majburlandi

Bolalar ombudsmanining ma'lum qilishicha, tarbiyachi bilan hozirgi vaqtda mehnat shartnomasi bekor qilingan.

2025-yilda ish haqi va pensiyalarni oshirishga qancha mablag‘ ajratilishi ma’lum qilindi

Qonun loyihasida birinchi darajali budjet mablag‘larini taqsimlovchilar uchun respublika budjetidan 2025-yilda ajratilayotgan mablag‘larning cheklangan miqdorlari keltirilgan.

Toshkentda uch yashar bolani qasddan o‘ldirgan erkak umrbod qamoq jazosiga hukm qilingani rad etildi

Ijtimoiy tarmoqlarda 3 yoshli bolaning qotili umrbod qamoq jazosiga hukm qilinganligi haqida xabarlar tarqaldi. Bosh prokuratura bu haqiqatga to‘g‘ri kelmasligini ma'lum qildi.

2025-yilda davlat tashkilotlariga budjetdan qancha mablag‘ ajratilishi mumkin?

Budjetdan ajratiladigan mablag‘larning umumiy miqdori 281,37 trln so‘mni tashkil etadi. Bu 2024-yil uchun ajratilgan mablag‘dan qariyb 26 trln so‘m yoki 10%dan ortiqqa ko‘p.

Hindistonning yetakchi ko'p tarmoqli shifoxonasi Farg'ona viloyati bilan hamkorlikni yo'lga qo'ymoqda

Farg'ona viloyati hokimi Xayrullo Bozorov Hindistonning "VED" ko'p tarmoqli shifoxonasi direktori Vaivxav Patel bilan uchrashdi.

Hindistonning “UPI” to‘lov tizimi “Humo” va “Uzcard” bilan integratsiya qilinishi mumkin

Markaziy bankda Hindiston Milliy to‘lov tizimi korporatsiyasi — NPCI vakillari bilan hamkorlik masalasida uchrashuv o‘tkazildi.

O‘zbekistonda 2025-yildan “avtomoyka”lar xizmati qimmatlashishi mumkin

Avtomobil yuvish shoxobchalariga suv solig‘i 1 kub metr uchun 15 ming so‘m qilib belgilanmoqda.

Navoiyda “Muruntov” podstansiyasining sifatsiz bajarilgan betonlari buzdirildi

Obyektning tarmoq kabellari uchun quyilgan quyma temir beton ishlari sifatsiz bajarilganligi va qurilish materiallarining sertifikatlari nazorat davri mobaynida to‘liq yuritilmagani ma’lum bo'lgan.

9 oyda 620 mlrd so‘mlik avtoraqamlar sotildi

Joriy yilning to‘qqiz oy davomida tovar-xomashyo birjasi orqali 152 mingdan ortiq avtomobil raqamlari sotildi.

2025-yilda nafaqalar, moddiy yordam va kompensatsiya to‘lovlari uchun jami 17,3 trillion so‘m ajratish rejalashtirilgan

Davlat budjeti loyihasida 2025-yilda Ijtimoiy himoya milliy agentligiga 21,1 trillion so‘m mablag‘ yo‘naltirish belgilangan.