8-avgust kuni O‘zbekistonda sodir bo‘lgan eng muhim voqealar dayjesti

UzAuto Motors shartnomalarni internetda sotib olish bo'yicha shubhali takliflarga rozi bo'lmaslikka chaqirmoqda

UzAuto Motors shartnomalarni internetda sotib olish bo‘yicha shubhali holatlardan ogohlantirdi.

Qoraqalpog'istonda fuqarolarning 119,7 mln so‘mlik soliq to‘lovlarini qo‘lga kiritgan DSI mas’ul shaxslari qo'lga olindi

Holat yuzasidan jinoyat ishi qo'zg'atildi.

Andijonda 20 yoshli yigit cho‘milish maqsadida suvga tushib, oqib ketdi

Holat yuzasidan  Bosh prokuratura matbuot kotibi Hayot Shamsutdinov "Uzreport.news" manbasiga ma'lumot berdi.

Qashqadaryodagi maktablarning birida sinfxona ta'miri uchun pul yig'ilayotgani haqida xabarlar tarqaldi

Holat yuzasidan Qashqadaryo viloyati Maktabgacha va maktab ta'limi boshqarmasi munosabat bildirdi.

O'zbekistonda nodavlat maktablarga borgan o‘quvchilarga kompensatsiya to‘lab beriladi

Shuningdek, nodavlat umumiy o‘rta ta’lim tashkilotlari faoliyatini yo‘lga qo‘yish uchun olinadigan kreditlar bo‘yicha foiz stavkasining bir qismini qoplab berish amaliyotini kiritish rejalashtirilmoqda.

Toshkent shahri va viloyatidagi 5 ta "metan zapravka"larda 11 mlrd so‘mlik tabiiy gaz o‘g‘irlandi

Jumladan, Toshkent viloyatining Piskent, Chinoz tumanida, Toshkent shahrining Sergeli tumanida ushbu holatlar aniqlangan.

Halimjon Safarov Buxoro tumani hokimi vazifasini bajaruvchi lavozimiga tayinlandi

Tayinlovga qadar u “Buxoro Agro Eksport tashqi savdo” mas’uliyati cheklangan jamiyatiga rahbarlik qilib kelayotgan edi.

“Toshkent-donmahsulotlari” buyurtmachiligidagi 500 million so‘mlik davlat xaridida qonunchilik talablari buzilganligi aniqlandi

Korrupsiyaga qarshi kurash agentligining taqdimnomasiga binoan “Toshkent-donmahsulotlari” AJ tomonidan 24-iyul kuni xarid komissiyasining bayonnomasi bekor qilindi.

Toshkent qabristonlarida qabr qazish va marosim xizmatlari narxlari tasdiqlandi

Poytaxt qabristonlarida go‘r qazish va marosim xizmatlari uchun pullik xizmat ko‘rsatish tariflari Toshkent shahar va Toshkent viloyati hududida joylashgan Toshkent shahriga tegishli qabristonlarda bir xilda qo‘llaniladi hamda ko‘rinarli joylariga o‘rnatiladi.

Bir nechta Sogʻliqni saqlash boshqarmasi boshliqlariga hayfsan berildi, ayrim rahbarlarga jarima belgilandi

Sogʻliqni saqlash vaziri Amrillo Inoyatov ishtirokidagi tahliliy-tanqidiy ruhda oʻtayotgan yigʻilishda tibbiyotning birlamchi boʻgʻinidagi vazifalar ijrosi, yoʻl qoʻyilgan xato va kamchiliklar tanqidiy tahlil etildi.

Iyul oyida O‘zbekistonning oltin-valyuta zaxiralari sezilarli darajada kamayib, ketma-ket to‘rtinchi oydirki, pasayish davom etmoqda

1-avgust holatiga mamlakat zaxiralari $71,8 mlnga kamayib, $33,6 mlrdni tashkil etdi.

“Tashabbusli budjet"ning 2023-yil 2-mavsumiga loyihalar kiritish bosqichi o‘z nihoyasiga yetdi

Mavsum doirasida respublika bo‘ylab 9 426 ta mahalla infratuzilmasini yaxshilash bilan bog‘liq jami 49 464 ta loyihalar ilgari surildi. Saralangan loyihalarga ovoz berish bosqichi 27-avgustdan boshlanadi.

Toshkentda maktabdan qaytayotgan qizga tegajog‘lik qilmoqchi bo‘lgan fuqaro 10 yilga qamaldi

Sudlanuvchi Jinoyat kodeksining 118-moddasi (nomusga tegishga suiqasd qilish) 3-qismi “a” bandida nazarda tutilgan jinoyatni sodir etganlikda aybli deb topildi. Tayinlangan jazoni umumiy tartibli koloniyada o‘tash belgilandi.

Toshkent xalqaro aeroportiga olib boruvchi ko‘prikda qurilish ishlari 2024-yilning oxirida yakunlanishi rejalashtirilgan

Bugungi kunda Toshkent shahar Yakkasaroy tumani Bobur ko‘chasidagi Toshkent xalqaro aeroportiga olib boruvchi ko‘prikda qurilish ishlari ketmoqda. Qurilish ishlari 2024-yilning oxirida yakunlanishi rejalashtirilgan. Rekonstruksiya jarayonida Sodiq Tolipov ko'chasiga tushish va undan chiqish imkoniyati yaratilmoqda.