23-yanvar kuni O‘zbekistonda sodir bo‘lgan eng muhim voqealar dayjesti

AQSH poytaxtida Abu Rayhon Beruniy siymosi aks etgan yodgorlik ochildi

AQSH poytaxtida buyuk olim Abu Rayhon Beruniy siymosi aks etgan yodgorlik ochildi. Byust O‘zbekiston elchixonasi oldida o‘rnatildi.

O‘zbekistonda milliy havo sifati standartlari ishlab chiqiladi

Havodagi mayda zarrachalar miqdori va ularning aholiga ta'siri bo‘yicha milliy havo sifati standartlari ishlab chiqiladi.

Endi Toshkent pediatriya tibbiyot institutining diplomi butun dunyoda tan olinadi

Baholash natijasiga ko‘ra, institutning “Davolash ishi” va “Pediatriya ishi” ta’lim dasturlari 5 yil muddatga xalqaro akkreditatsiyadan muvaffaqiyatli o‘tkazildi.

Osiyo kubogi: O‘zbekiston terma jamoasi Avstraliyaga qarshi o‘yinda durang natija qayd etdi

O‘zbekiston o‘z tarixida ilk bor Avstraliya darvozasini ishg‘ol etib, golsiz noxush an’anaga chek qo‘ydi.

2023-yilda qurilish sohasida 76 mlrd so‘mlik ishlar sifatsiz bajarilgani ma'lum bo'ldi

Bosh prokuraturaning ma'lum qilishicha, qurilishda shaharsozlik meʼyorlariga rioya etilmaganligi oqibatida 3 716 ta holatda 76 mlrd so‘mlik ishlar sifatsiz bajarilgan va 1 639 ta holatda 74 mlrd so‘mlik ishlar hisobotlarga qo‘shib yozilgan.

Xitoy bilan hamkorlikda O'zbekistonda musiqiy asboblar ishlab chiqarishga ixtisoslashtirilgan korxona quriladi

Madaniyat vaziri Ozodbek Nazarbekov XXR madaniyat va turizm vaziri Sun Ye Li bilan uchrashdi.

Bir kunda 94 ta isteʼmolchi tomonidan elektr energiyasi va tabiiy gazdan noqonuniy foydalanish holatlari aniqlandi

Shuningdek, energiya resurslaridan foydalanish qoidalarini buzish bilan bog‘liq huquqbuzarlik bo‘yicha 33 ta ma'muriy ish rasmiylashtirildi.

Birjada 5 820,7 mlrd so‘mlik tovarlar sotildi, shakar, texnik chigit va suyultirilgan gaz narxi pasaydi

15-21-yanvar kunlari “O‘zbekiston respublika tovar-xom ashyo birjasi” AJning barcha savdo platformalarida 5 820,7 mlrd so‘mlik tovarlar sotilgan bo‘lib, bu avvalgi haftaga nisbatan 121,3% ga ko‘pdir.

BAAda blogerlik faoliyati bilan shug'ullanib kelayotgan Fotima Hasanova "Guinness World Records 2024" g'olibiga aylandi 

Fotima Hasanova xitoylik hamkorlari bilan birgalikda joriy yilning yanvar oyida Dubay amirligida bo'lib o'tgan "Guinness World Records 2024" "Ko'p millat vakillarini bir sahnada jamlash va xoreografik raqsni ijro etish" nominatsiyasi bo'yicha Ginnes rekordini o'rnatishga muvaffaq bo'ldi.

Quyi Chirchiq tumani va Xitoy oʻrtasida 83 million dollarlik shartnomalar imzolandi

Quyi Chirchiq tumanidan Xitoy davlatiga sanoat va qishloq xo‘jaligi mahsulotlari eksportini amalga oshirish yuzasidan 50 million dollarlik, har ikki loyihadan jami 83 million dollarlik shartnomalar imzolanishiga erishildi.

Madaniy meros agentligi “Sharq” nashriyoti binolari bo‘yicha munosabat bildirdi

Ekspertiza natijalariga ko‘ra, ishchi guruh tomonidan bino va inshootlarning aksariyati to‘liq rekonstruksiyani taqozo etuvchi avariya holati, ayanchli ahvolda ekani to‘g‘risida tegishli xulosalar qilindi. Shuningdek, tarixiy va madaniy ahamiyatga molik binolar aniqlangan.

2023-yil davomida qurilish obyektlarining 395 tasida buzdirish ishlari olib borilgan

Shuningdek, qurilishda aniqlangan qonunbuzilishlar natijasida 5 mingdan ortiq mansabdor shaxslarga nisbatan ma’muriy choralar qo‘llanilgan.