6-mart kuni O‘zbekistonda sodir bo‘lgan muhim voqealar dayjesti

Shavkat Mirziyoyev bir qator xorijiy elchilardan ishonch yorliqlarini qabul qilib oldi 

O'zbekiston Prezidenti Shavkat Mirziyoyev Misr, Italiya, Qirg‘iziston, Belarus, Gruziya va Turkiyaning mamlakatimizga yangi tayinlangan elchilardan ishonch yorliqlarini qabul qilib oldi.

Ko‘chmas mulkni ommaviy baholash tizimi joriy etiladi

2025 yildan bosqichma-bosqich barcha ko‘chmas mulk obyektlari ularning bozor narxiga yaqin bo‘lgan qiymatini aniqlash maqsadida davriy ravishda ommaviy baholashdan o‘tkaziladi.

Davlat ipoteka krediti foizi pasaydi

O‘zbekistonda ipotekani qayta moliyalashtirish kompaniyasi mablag‘lari hisobidan ajratilayotgan ipoteka kredit foizlari pasaytirildi.

Tarbiyachimi yoki zo'ravon?: Samarqanddagi bog'chada ham tarbiyachi o‘nga yaqin bolani kaltakladi

Holat yuzasidan viloyat Maktabgacha va maktab ta’limi boshqarmasi ma'lumot berdi.

2024-yilda 600 ming tupdan ortiq daraxtlar kesilishining oldi olindi

2022-yilda qimmatbaho daraxtlarning noqonuniy kesilish holatlari 1669 tani tashkil qilib, 2021-yilga nisbatan 2513 taga yoki 61 foizga kamaygan. 2023-yilda esa qimmatbaho daraxtlarning noqonuniy kesilish holatlari 1097 taga yetib, 2022-yilga nisbatan 572 taga yoki 35 foizga qisqargan.

“O‘ztemiryo‘lkonteyner” tomonidan Hindistondan Qozog‘istonga birinchi poyezd yo‘lga qo‘yildi

Tarkibida 12 ta yigirma futlik konteyner bo‘lgan poyezd Hindistonning Mundra portidan Qozog‘istonning Sorokovaya stansiyasiga Hindiston-Eron-Turkmaniston-O‘zbekiston-Qozog‘iston yo'nalishida harakatlanib, 1 585 km dengiz orqali va 4 300 km temir yo‘l orqali bosib o‘tadi.

Sement ishlab chiqarish hajmi 35,3 % ga oshgan

Milliy statistika qo‘mitasi maʼlumotlariga ko‘ra, O‘zbekistonda 2025-yilning yanvar oyida yirik korxonalar tomonidan 849,4 ming tonna sement ishlab chiqarilgan.

Toshkentda 132 ming qutidan ziyod tamaki mahsulotlari yo‘q qilindi

Poytaxtning Yangihayot tumanidagi zavodlardan birida bojxona organlari tomonidan o‘tkazilgan tezkor tadbirlarda noqonuniy muomaladan olib qo‘yilgan 132 ming 180 quti tamaki mahsulotlari keng jamoatchilik ishtirokida yo‘q qilindi.

Poytaxtda bir xonadonga 3 qopdan chiqindi limiti qo‘yilgani haqida xabarlar tarqaldi

Ushbu xabarlar yuzasidan Toshkent shahar hokimligi axborot xizmati rasmiy munosabat berdi.

Milliy gvardiya tizimiga ishga kiritish bilan bog‘liq noqonuniy holatlarga chek qo‘yildi

Milliy gvardiyada katta leytenant va podpolkovnik pora olgan vaqtida ushlandi. Ular fuqarolarni Milliy gvardiya tizimiga ishga kiritib qo‘yish evaziga $5500 va $1500 talab qilgan.