7-fevral kuni O‘zbekistonda sodir bo‘lgan muhim voqealar dayjesti

Shavkat Mirziyoyev: Buxoro va Samarqandga kelgan turistlarning ko‘pchiligi Xivaga aviareys bo‘lmagani uchun qaytib ketayapti

Yig'ilishda uch yil oldin qabul qilingan xizmatlar sektorini rivojlantirish bo‘yicha katta dastur bugun natijasini berayotgani taʼkidlandi.

Yil yakunigacha xususiy veterinariya va para-veterinariya xizmati hajmi 5 baravarga oshiriladi

So‘nggi to‘rt yilda chorvachilikni rivojlantirish uchun xalqaro moliya institutlaridan 700 million dollar olib kelindi, bu yil yana 350 million dollar jalb qilinadi. Buning hisobiga kamida 20 mingdan ziyod veterinarga ehtiyoj paydo bo‘ladi. Birgina Buxoroda 250 nafar veterinarga talab bor.

Onlayn kredit olish tartibini soddalashtirish bo‘yicha qaror ishlab chiqiladi

Banklar joriy yilda masofaviy xizmat ko‘rsatishni kamida 30 foizga o‘stirishi muhimligi taʼkidlandi. Misol uchun, kadastr, soliq, adliya idoralarining bazasi banklar axborot tizimiga integratsiya qilinsa, garovga qo‘yilgan mulkni notariusga borib, taqiq qo‘yish amaliyoti bekor bo‘ladi.

Poytaxtdagi yana 26 ta ko‘cha tunu-kun ishlaydigan gavjum ko‘chaga aylantiriladi

Turistlar bildirgan fikrlarni inobatga olib, turizm va servis joylarini kechqurun ham ishlaydigan qilish kerakligi taʼkidlandi.

Shavkat Mirziyoyev: Tashqi ishlar va Adliya vazirliklari O‘zbekistonga kirish uchun elektron vizani 3 kunda rasmiylashtirish imkonini yaratishi kerak

“Takror aytaman. Qaysi rahbar raqamlashtirishni kechiktirsa – ochiqlik siyosatimizga qarshi chiqqan bo‘ladi”, - dedi prezident.

Toshkent shahrida janjal vaqtida haydovchi mashinasini odamlar ustiga haydadi

Holat yuzasidan Shayxontohur tumani IIO FMB tomonidan dastlabki surishtiruv harakatlari olib borilmoqda.

So‘nggi uch yilda 27 turdagi davlat xizmatlari xususiy sektorga berildi

Har bir vazirlikka o‘z tizimidagi qaysi xizmatni xususiy sektorga, jumladan autsorsingga berish va yangi xizmatlarni joriy qilish mumkinligi bo‘yicha taklif tayyorlash topshirildi. Bu borada Raqobat qo‘mitasining masʼuliyati belgilandi.

Masofaviy xizmatlar eksportini yangi bosqichga olib chiqish vaqti kelgani taʼkidlandi

2025-yilda IT xizmatlari hajmini 30 foizga o‘stirib, 80 trillion so‘mdan, eksportini 1 milliard dollardan oshirish zarurligi taʼkidlandi.

O‘zbekiston 2024-yilda dunyoning eng yirik oltin xaridorlari o‘ntaligiga kirdi

2024-yilda oltinga bo‘lgan global talab rekord darajaga — 4 974 tonnaga yetdi, bu oldingi yilga nisbatan 1% ga ko‘pdir.

Sirdaryo viloyati prokurorining katta yordamchisi kuchli taʼsir qiluvchi dori vositasi bilan ushlandi

Qayd etilishicha, ushbu kuchli taʼsir qiluvchi dori vositalari Qirg‘iz Respublikasidan noqonuniy yo‘llar bilan olib kelingan. Hozirda holat yuzasidan tergovga qadar tekshiruv harakatlari olib borilmoqda.

O‘FA bir qator yetakchi klublarni ogohlantirdi va muhlat berdi

O‘FA futbolchilarning maqomi va o‘tishi bo‘yicha qo‘mitasi tomonidan “Navbahor lochinlari”, “Neftchi”, “So‘g‘diyona”, “Jizzax Zvezda Bo‘ston” futbol klublarining murabbiylar, futbolchilar va xodimlar oldidagi qarzdorligini bartaraf etishi uchun muddat belgilandi.

Toshkentda 2024-yili 1 sotix yer narxi 352 mln so‘mni tashkil etdi — Markaziy bank

Markaziy bank 2024-yilning to‘rtinchi choragi yakunlari bo‘yicha ko‘chmas mulk bozori tahlilini eʼlon qildi.

Shavkat Mirziyoyev Yaponiya Bosh vazirining maxsus maslahatchisi Akixisa Nagasimani qabul qildi

Bo‘lajak "Markaziy Osiyo + Yaponiya" formatidagi birinchi sammitga tayyorgarlik doirasida mintaqaviy hamkorlik masalalari yuzasidan fikr almashildi.

Kamida 1 mln turistni olib keladigan konsert, biznes forumi va ko‘rgazmalar o‘tkazish dasturi ishlab chiqiladi

Shuningdek, to‘liq o‘rganilmagan tarixiy obyektlar juda ko‘pligini inobatga olib olimlar bilan birgalikda jozibador tarixiy obyektlarni aniqlash va restavratsiya qilish bo‘yicha uch yillik dastur ishlab chiqish topshirildi.

Sherzod Asadov Prezident Administratsiyasi shtat birliklarida qisqartirish bo‘lishi haqidagi xabarlarga izoh berdi

Ijtimoiy tarmoqlarda Prezident Administratsiyasida shtat birliklari kamida 50 foizga, boshqa davlat tashkilotlarida ham qisqartirish bo‘lishi haqida rasman tasdiqlanmagan maʼlumotlar tarqaldi. Holat yuzasidan Prezident matbuot kotibi Sherzod Asadov izoh berdi.