11-yanvar kuni O‘zbekistonda sodir bo‘lgan muhim voqealar dayjesti

O‘zbekiston prezidenti rasmiy tashrif bilan Birlashgan Arab Amirliklarida bo‘ladi

Prezident Shavkat Mirziyoyev Birlashgan Arab Amirliklari Prezidenti Shayx Muhammad bin Zoid Ol Nahayonning taklifiga binoan 13-16-yanvar kunlari rasmiy tashrif bilan ushbu mamlakatda bo‘ladi. Tashrif doirasida Abu-Dabi va Dubay shaharlarida uchrashuv va tadbirlar o‘tkazilishi ko‘zda tutilgan.

Abduqodir Husanovning "Manchester Siti"ga o‘tishi aniq bo‘ldi

Abduqodir Husanovning "Manchester Siti"ga o‘tishi hal bo‘ldi, deb yozdi taniqli insayder Fabritsio Romano.

Shoshilinch tibbiy yordam markazida 2 yoshli qiz qornidan 135 ta magnit sharcha olindi

Maʼlum bo‘lishicha, qizaloq magnit sharchalar bilan o‘ynab kelgan va shu jarayonda ulardan ancha-munchasini ichiga yutgan. Vaqt o‘tishi bilan sharchalar qornida yig‘ilib qolgan va uning hayotiga jiddiy xavf solgan.

Olmazor tumani prokuraturasi tergovchisi pora bilan ushlandi

Hozirda prokuratura tergovchisiga nisbatan jinoyat ishi qo‘zg‘atilib, tergov harakatlari olib borilmoqda.

Bo‘stonliqda Qizil Kitobga kiritilgan qo‘ng‘ir ayiq o‘ldirilgani maʼlum bo‘ldi

Toshkent viloyatining Bo‘stonliq tumanida qo‘ng‘ir ayiq terisi topildi.

Chortoq tumani prokurorining katta yordamchisi 2400 AQSH dollari olgan vaqtida ushlandi

Hozirda unga nisbatan jinoyat ishi qo‘zg‘atilib, tergov harakatlari olib borilmoqda.

Toshkent metropoliteniga yana yangi to‘rt vagonli 3 ta zamonaviy metro poyezdlari olib kelindi

Yo‘nalishlardagi vaqt intervallarini yanada qisqartirish maqsadida, ushbu poyezdlar belgilangan yo‘riqnomaga asosan, 9-10 kun davomida texnik sinovdan o‘tkazilib, so‘ngra yo‘lovchilarga xizmat qilishi uchun yo‘nalishlarga chiqariladi.

Markaziy bank: Qo‘ng‘iroqqa javob berish bilan kartadagi pullar avtomatik yechib olinmaydi

Shu kunlarda ijtimoiy tarmoqlarda fuqarolarning notanish telefon raqamlaridan qilingan qo‘ng‘iroqlarga javob berishi bilan ularning bank kartalaridagi pul mablag‘lari avtomatik tarzda yechib olinayotgani haqidagi xabarlar tarqalmoqda. Mazkur holat yuzasidan Markaziy bank munosabat bildirdi.

2024-yilda shaxmat turnirlarida eng katta mukofot pullarini qo‘lga kiritgan shaxmatchilar ro‘yxatini eʼlon qildi

Chess.com sayti maʼlumotiga ko‘ra, hamyurtimiz Nodirbek Abdusattorov o‘tgan yilda 132 981 dollar ishlab oldi.

Davlat bog‘chalarida sog‘lom ovqatlantirish tartibi takomillashtiriladi

Davlat bog‘chalari tarbiyalanuvchilarning sog‘lom, xavfsiz va sifatli ovqatlanishini taʼminlash maqsadida 2025 yil 1 iyulgacha “Yagona mavsumiy taomnoma” joriy etiladi.

Kelayotgan hafta boshida kuzatiladigan ob-havo ma'lumoti e'lon qilindi

"O'zgidromet" xizmati O'zbekiston hududlari bo'ylab 13-15-yanvar kunlari kutilayotgan ob-havo bo‘yicha ma’lumotni taqdim etdi.

Ijtimoiy karta kimlarga bepul beriladi? (ro'yxat)

Ijtimoiy kartani muomalaga chiqarish moliyaviy agent — rezident banklar tomonidan amalga oshiriladi. Bunda barcha fuqarolar uchun dastlab elektron karta chiqariladi. Jismoniy kartalar esa talab asosida beriladi.

Tadbirkorlar Toshkentda tungi iqtisodiyotni rivojlantirish bo‘yicha o‘z takliflarini berdi

Tadbirkorlar 24/7 tartibida ishlaydigan ko‘chalar uzunligini kamida 800 metrgacha kengaytirish taklifini ilgari surdilar. Bu ko‘chalarda yangi xizmatlar turlarini oshirishga va ko‘proq mijozlarni jalb qilishi mumkin.

2024-yilning oxirgi oyida Toshkent shahrida uy-joylar uchun o'rtacha ijara narxlari qanday bo'lgani tahlil qilindi

Toshkent shahrida uy-joy ijara narxlari o'rtacha ta'mirlangan xonadonlar uchun pasaygan bo'lsa, to'liq ta'mirlangan 3 va 4 xonali xonadonlar uchun o'sishi kuzatildi.

O‘zbekiston va Rossiya olimlari ko‘cha zo‘ravonligini aniqlaydigan neyron tarmoq yaratdi

O‘zbekiston va Rossiya olimlari jamoasi tomonidan videokuzatuv kameralaridagi tasvirlarda ko‘chadagi zo‘ravonlikni avtomatik taniy oladigan neyron tarmoq yaratildi.

Poytaxtda aholidan kommunal xizmatlari uchun kelib tushgan mablag‘larni o‘zlashtirgan MCHJ masʼul shaxslari aniqlandi

Mazkur holat yuzasidan jinoyat ishi qo‘zg‘atilib, tergov harakatlari o‘tkazilmoqda.

Abduqodir Husanov – “Lans” tarixidagi eng qimmat transferga aylanadi

Abduqodir Husanov Fransiyaning “Lans” klubi tarixidan joy oladi.

Toshkent viloyatida harakatlanayotgan Mazda yonib ketdi

Hozirda holat yuzasidan Yangiyo‘l tumani FVV tomonidan surishtiruv ishlari amalga oshirilmoqda.

2024-yilda elektr va gibrid avtomobillar importi birinchi marta benzinli avtomobillardan oshib ketdi

O‘tgan yilning yanvar-dekabr oylarida $1,27 mlrdlik 80 mingdan ortiq yengil avtomobillar import qilingan. 2023-yilga nisbatan import hajmi qiymat jihatidan 33,2%ga, soni bo‘yicha esa 7%ga kamaygan.