23-dekabr kuni O‘zbekistonda sodir bo‘lgan muhim voqealar dayjesti

Avazjon Karimov Sport vaziri o‘rinbosari etib tayinlandi

Tayinlovga qadar Avazjon Karimov Sport vazirining maslahatchisi lavozimida faoliyat yuritgan.

11 oyda O‘zbekistonning tashqi savdo aylanmasi $59,36 mlrdni tashkil etdi

Bu ko‘rsatkich o‘tgan yilning mos davriga nisbatan 3,6%ga oshgan. Bunga eksportning sezilarli o‘sishi ($24,22 mlrd, +4,4%), shuningdek, importning o‘sishi ($35,14 mlrd, +3%) sabab bo‘ldi.

Atmosfera havosini ifloslantiruvchi manbalarni xatlovdan o'tkazish tartibi belgilandi

Mazkur yo'riqnoma atmosfera havosini ifloslantiruvchi manbalarni xatlovdan o'tkazish hamda unga tashlanayotgan ifloslantiruvchi moddalar miqdorini belgilash tartibini belgilaydi.

Abduqodir Husanov PSJga qarshi o‘yinda assist qayd etdi

O'zbekiston terma jamoasi va “Lans” klubi himoyachisi Abduqodir Husanov Fransiya kubogi doirasida PSJga qarshi oʻyinda assist amalga oshirdi.

Tuman va shaharlar kesimida YaTTga qat’iy soliq stavkalari miqdori belgilanishi mumkin

2025-yildan Qoraqalpog‘iston Jo‘qorg‘i Kengesi, xalq deputatlari viloyatlar va Toshkent shahar kengashlariga tuman (shahar)lar iqtisodiy rivojlanish darajasidan kelib chiqib, YaTT uchun jismoniy shaxslardan olinadigan daromad solig‘i eng kam va eng yuqori qat’iy belgilangan stavkalari doirasida tuman (shahar)lar kesimida YaTTga qat’iy soliq stavkalari miqdorini belgilashga ruxsat beriladi.

Bosh prokuratura: 360 ming fuqaroning buzilgan huquqlari tiklandi

2024-yil o‘tgan davrida prokuratura organlari tomonidan aniqlangan qonunbuzilishi holatlari yuzasidan 160 mingga yaqin nazorat hujjati qo‘llanilib, 360 ming fuqaroning buzilgan huquqlari tiklandi.

Rossiyada safar sumkasi ichidan o‘zbekistonlik ayolning jasadi topildi

Uni o‘z tanishi - 24 yoshli O‘zbekiston fuqarosi o‘ldirgani aytilmoqda.

O‘zbekistonda Janubiy Koreya modeli asosida oilaviy zo‘ravonlik qurbonlariga tez yordam ko‘rsatish markazlari joriy etilishi mumkin

O‘zbekiston prezidenti huzuridagi Ijtimoiy himoya milliy agentligi va Koreya xalqaro sog‘liqni saqlash jamg‘armasi o‘rtasida o‘zaro hamkorlik hujjati loyihasini shakllantirish yuzasidan aniq kelishuvlarga erishildi.

Yilning eng faol olimlari taqdirlandi

“Yil olimi” hamda “Yilning eng yaxshi yosh olimi” nominatsiyalari bo‘yicha pul mukofotlari ham g‘oliblarga topshirildi.

Davlat xaridlari tizimini takomillashtirish strategiyasi ishlab chiqildi

2025-2027-yillarda davlat xaridlari tizimini takomillashtirish va rivojlantirish strategiyasini amalga oshirish bo'yicha chora-tadbirlar rejasi tasdiqlandi.

Ayrim ro‘yxatdan o‘tkazish davlat raqami belgilari uchun to‘lov miqdori kamaytirildi

Mototransport vositalari (mototsikl, elektromototsikl, moped va skuterlar) va tirkamalarga (yarim tirkamalar) RO‘DRB uchun BHMning 1,5 baravari miqdorida belgilandi.

Yangi yil kechasi Toshkent metropoliteni soat 02:00 gacha ishlaydi

Toshkent metrosi ilk marta Yangi yil munosabati bilan 31-dekabr kuni soat 05:00 dan 1-yanvar soat 02:00 gacha yo‘lovchilarga xizmat ko‘rsatadi.

Abduqodir Husanov eng yosh, Hasanboy eng yaxshi erkak sportchi, Keldiyorova eng yaxshi ayol sportchi — o‘zbek sportidagi yilning eng yaxshilari aniqlandi

Oʻzbek sportida yil sarhisobi. Bugun “Milliy sport mukofoti-2024” marosimida eng munosiblar taqdirlandi.

Ish haftasi davomida O‘zbekistonning barcha hududlari bo‘yicha yog‘ingarchiliksiz ob-havo saqlanib turadi

Kechalari kuzatilayotgan sovuqlar asta-sekin kuchsizlashadi, haftaning ikkinchi yarmida havo harorati kechasi va ertalab 3 daraja sovuq-2 daraja iliq atrofida bo‘ladi.

Mudofaa vaziri, general-mayor Shuxrat Xalmuxamedov o‘q otish sporti federatsiyasi raisi lavozimiga saylandi

Bu haqda bugun Milliy olimpiya qo‘mitasi majlislar zalida O‘zbekiston o‘q otish sporti federatsiyasining navbatdan tashqari konferensiyasida maʼlum qilindi.