1-iyun kuni O‘zbekistonda sodir bo‘lgan eng muhim voqealar dayjesti

O‘zbekiston vakili tarixda birinchi marta Inson huquqlari qo‘mitasi a’zoligiga saylandi

Birlashgan Millatlar Tashkilotining Nyu-York shahridagi shtab-kvartirasida 2025-2028-yillar uchun BMT Inson huquqlari qo‘mitasi a’zolari saylovi bo‘lib o‘tdi. Aʼzo davlatlar oʻrtasida oʻtkazilgan yashirin ovoz berish natijalariga koʻra, Oʻzbekistondan nomzod, Inson huquqlari boʻyicha Milliy markaz direktori Akmal Saidov boshqa nomzodlar orasida eng koʻp ovoz toʻplab Inson huquqlari qo‘mitasi tarkibiga saylandi.

O‘zbekistonda 4 oyda 6 329 nafar egizak tug‘ildi

Statistika agentligining maʼlumotlariga ko‘ra, O‘zbekistonda 2024-yilning yanvar-aprel oylarida tirik tug‘ilgan egizaklar soni 6 329 nafarni tashkil etgan.

"O‘lim charxpalagi" deya talqin qilingan attraksion bo'yicha izoh berildi

Sanoat, radiatsiya va yadro xavfsizligi qo‘mitasining xabar berishicha, mazkur attraksion hozirda taʼmirlanmoqda.

Buxoroda kichik biznesga bu yili 5,9 trillion so‘mga qo‘shimcha yana 2,1 trillion so‘m kredit ajratilishi eʼlon qilindi

Shuningek, turizm va servis uchun yana 100 million dollar alohida ajratiladi.

"Pahlavon Mahmud - Strongmen games" pahlavonlar o'yini start oldi

Bugun “Pahlavon Mahmud - Strongmen games Islom Xalqaro Tashkiloti ochiq chempionati" o'yinlari boshlandi. Ochilishdan so'ng, "Oqtosh xarsangi" bo'yicha birinchi bellashuvlar bo'lib o'tdi. Turnirning barcha bahslarini "UzReport TV" telekanalining jonli efirlarida tomosha qilishingiz mumkin.

Neft-kimyo klasteri ishga tushirilsa, Buxoro sanoati uchun 4,5 trillion so‘mlik qo‘shilgan qiymat yaratiladi

Viloyatda elektrotexnika, zargarlik, qurilish materiallari, konchilik, yo‘l qurilishi, mehmonxona sohalarida amalga oshirilayotgan loyihalarni tezlashtirish, investorlarga har tomonlama ko‘maklashish zarurligi qayd etildi.

Prezident Buxorodagi 30 ta tarixiy yodgorlikka eʼtibor sustligini aytdi

Shu munosabat bilan Imom al-Buxoriy, Abbos Aliyev va Muxtor Ashrafiy obidalariga tutash hududlar, dehqon bozori va ming yillik tarixga ega Buxoro darvozasi, Ismoil Somoniy maqbarasi, istirohat bog‘i va sunʼiy ko‘lni jozibador turizm majmuasiga aylantirish muhimligi taʼkidlandi. “Chor Minor” va “Isteza” madrasalari, “Samarqand” va “Darvozai Salloxona” darvozalari, “Masjidi Kalon” kabi obyektlarni drenaj tizimini taʼmirlashga 35 milliard so‘m ajratiladi.

Soyadan chiqib ishlamoqchi bo‘lgan oilalarga 100 mln so‘mgacha kreditlar beriladi

Mutasaddilarga 20 ta mahalladagi bo‘sh yerda ishlab chiqarish inshootlarini qurib, 400 ta oilaga tadbirkorlikni yo‘lga qo‘yishga ko‘maklashish va 2 ming ish o‘rnini rasmiylashtirish topshirildi.

600 mingdan ortiq ko‘chat sug‘orish tizimi mavjud bo‘lmagan joylarga ekilgan - Senat

Dastlabki maʼlumotlarga ko‘ra bahor mavsumida qariyb 600 mingdan ortiq ko‘chat sug‘orish tizimi mavjud bo‘lmagan joylarga ekilishiga yo‘l qo‘yilgan. Ayrim vazirlik, idora va tarmoqlarda bu tadbirlarga yetarlicha eʼtibor qaratmagan.

Poytaxtda 1-iyun kuniga rejalashtirilgan "Tekinga narsa tarqatish" kabi aksiyalarning barchasi to'xtatildi

Toshkent shahridagi "Ashxobod" bog‘ida tekinga o‘yinchoqlar tarqatilishi haqidagi axborot ortidan, poytaxt aholisi va mehmonlardan iborat juda ko‘p fuqarolarning bir vaqtning o‘zida bog‘ atrofida to‘planishlari natijasida, unga kirish/chiqish va ayrim ichki yo‘nalishlarida tiqilinch vaziyat hamda bog‘ga olib keluvchi va yaqin avtomobil yo‘nalishlarida tirbandliklar yuzaga keldi.

G‘ijduvon aholisi uchun 650 o‘rinli zamonaviy shifoxona quriladi

Mutasaddilarga loyiha hujjatlarini ishlab chiqib, kelgusi yil investitsiya dasturiga kiritish topshirildi. Umuman, yig‘ilishda G‘ijduvonni o‘zida 25 ming ish o‘rni, qo‘shimcha 50 million dollar eksport va byudjetga 100 milliard so‘mlik tushum bo‘yicha imkoniyatlar ko‘rsatib o‘tildi.

Toshkent shahar YHXB saylgohlar hamda bog‘larga tashrif buyurishda jamoat transportidan foydalanishni so‘radi

"1-iyun — Xalqaro bolalarni himoya qilish kuni" munosabati bilan hududlardagi istirohat bog‘lari, ko‘ngilochar maydonlar atrofidagi yo‘llarda vaqti-vaqti bilan transport vositalarining tirbandligi kuzatilmoqda.

IHTning turizm yo‘nalishi bo‘yicha raisligi O‘zbekistonga berildi

O‘zbekiston raisligi doirasida tashkilotga a'zo davlatlar o‘rtasida turizm hamkorligini, jumladan, yashil va barqaror turizm, smart turizm, turizm logistikasi va boshqa qator yo‘nalishlarda samarali loyihalar va tashabbuslar amalga oshirilishiga ishonch bildirildi.

O'zbekistonda may oyida kuzatilgan inflyatsiya darajasi e’lon qilindi

Statistika agentligi maʼlumotlariga ko‘ra, 2024-yilning may oyida isteʼmol sektoridagi tovarlar va xizmatlar o‘rtacha 2,8 % ga oshgan.

Majburiy raqamli markirovkalash jarayonlari jadallashtiriladi

“Majburiy raqamli markirovkalash jarayonlarini jadallashtirish bo'yicha qo'shimcha chora-tadbirlar to'g'risida”gi prezident qarori qabul qilindi.  

Prezident Shavkat Mirziyoyev “G‘ijduvon ipak tola” korxonasi faoliyati bilan tanishdi

Davlat rahbari pilla qurtxonasi va hosilini ko‘zdan kechirdi. Pilla genetikasini rivojlantirib, sifat toifasini oshirish, klasterlar faoliyatiga ilmni olib kirish zarurligini ta’kidladi. Namunali klasterlarda boshqa pillakorlarni o‘qitib, ilg‘or texnologiyalarni ommalashtirish bo‘yicha ko‘rsatma berildi.

Toshkent viloyatida jamoat transporti narxi oʻzgardi

Toʻlov bank kartalari orqali amalga oshirilganda 1700 soʻm, naqd pulda esa 2500 soʻm etib belgilandi.

Markirovkalash uchun zarur bo'ladigan uskunalar bojxona bojidan ozod qilinadi

Majburiy raqamli markirovkalanishi lozim bo'lgan mahsulotlarni markirovkalash uchun zarur bo'lgan va import qilinadigan uskunalar 2024-yil 1-iyundan 2027-yil 1-iyungacha bojxona bojidan ozod qilinadi.

Farg‘onada mashinadan pul sochgan yigit 10 sutkaga qamaldi

Qamalgan yigit akasining to‘yidagi kortejda pul sochgan bo'lgan.

Kelayotgan hafta boshida respublikada qanday ob-havo bo'lishi ma'lum qilindi

"O‘zgidromet" xizmati O'zbekiston hududlari bo'ylab 3-5-iyun kunlari kutilayotgan ob-havo prognozini e’lon qildi.