19-noyabr kuni O‘zbekistonda sodir bo‘lgan muhim voqealar dayjesti

Toshkent viloyatida 4 tup yong‘oq daraxtini kesib tashlagan fuqaro tabiatga 247 mln so'm zarar yetkazdi

Ushbu holat yuzasidan tegishli hujjatlar rasmiylashtirilib, Toshkent viloyati prokuraturasiga yuborildi.

Prezident Senat aʼzosi etib saylanganlarni samimiy muborakbod etdi

Davlat rahbari o‘z nutqida yuksak ishonchga sazovor bo‘lib, Senat aʼzosi etib saylanganlarni samimiy muborakbod etdi.

Konstitutsiyaviy islohotlar natijasida Senat tarkibi ixchamlashib, uning aʼzolari soni 100 nafardan 65 nafarga qisqardi

Ilgari senatorlar nazorat tadbirlarida yoki saylovchilar bilan uchrashuvlarda qonunlarda aniqlangan muammolarni hal etish bo‘yicha aniq vakolatga ega emas edi. Yangilangan Konstitutsiyada Senatga qonunchilik taklifini kiritish huquqi berilishi bilan masala o‘z yechimini topdi.

O‘zbekiston nufuzli xalqaro minbarlardan katta-katta tashabbuslarni ilgari surmoqda

Ularning mazmun-mohiyatini xalqimizga, xorijiy va mahalliy ekspertlarga yetkazishda senatorlarimiz faol bo‘lishlari lozim. Ammo, afsuski, ularning bu boradagi roli yetarli darajada sezilmayotgani qayd etildi.

Prezident Senat oldida qanday dolzarb vazifalar turgani yuzasidan o‘z fikrlarini bildirdi

Mahalliy kengashlar faoliyatiga har tomonlama ko‘maklashish Senatning ustuvor vazifasi bo‘lishi kerakligi taʼkidlandi.

Prezident yuqori palatani tuman va shahar kengashlariga ham hokimlar raislik qilmasligi bo‘yicha islohotga jiddiy tayyorgarlik ko‘rishga chaqirdi

Yangilangan Konstitutsiya talabi asosida mahalliy kengashlar yaqinda hokimlarni lavozimga tasdiqlashda ularning hududni rivojlantirishga oid dasturlarini ilk bor ko‘rib chiqib, maʼqulladi.

Kambag‘allikni qisqartirish va aholini ijtimoiy himoya qilish maqsadida kelgusi yili budjetdan 500 mlrd so‘m yo‘naltiriladi

Shuningdek, yangi yildan 65 turdagi ijtimoiy xizmat va yordamlar, 50 ga yaqin imtiyozlarni o‘zida mujassam etadigan yagona “Ijtimoiy karta” tizimi yo‘lga qo‘yiladi.

Tanzila Norboyeva Senat raisi lavozimiga qayta saylandi

Shuningdek, Sodiq Safoyev Senat raisining birinchi o‘rinbosari, Amanbay Orinbayev Senat raisi o‘rinbosari lavozimlarini saqlab qoldi. Prezident senatorlar tomonidan Senat raisi va uning o‘rinbosarlari etib saylangan Tanzila Narbayeva, Sodiq Safoyev, Amanbay Orinbayevni ularga bildirilgan yuksak ishonch bilan tabriklab, ularning kelgusi faoliyatida yutuq va muvaffaqiyatlar yor bo‘lishini tiladi.

Korrupsiyaga qarshi kurashish bo‘yicha parlament nazoratini, butun jamiyatimiz ishtirokini yana-da kuchaytirish zarurligi taʼkidlandi

Prezident Senatni aholi va davlat xizmatchilarining huquqiy ongi va madaniyatini yuksaltirish, jamiyatda korrupsiyaga nisbatan murosasizlik muhitini shakllantirish, yosh avlod ongiga qonunga hurmat, to‘g‘rilik va halol mehnat tushunchalarini singdirish bo‘yicha aniq chora-tadbirlarni ishlab chiqishga chaqirdi.

Narzullo Oblomuradov Toshkent davlat agrar universitetining rektori lavozimiga tayinlandi

Eslatib o‘tamiz, sobiq Ekologiya qo‘mitasi raisi Narzullo Oblomurodov o‘z vaqtida prezidentlik saylovlarida nomzod sifatida qatnashgandi.

Andijonda Bobur haykalini ko‘chirib, o‘rniga savdo majmuasi, ko‘ngilochar markazlar qurish rejalashtirilmoqda

Unga ko‘ra, Bobur haykali uning o‘zi tug‘ilib o‘sgan "Eski shahar" hududidagi “Registon” maydoniga ko‘chiriladi.

O‘zbekiston hukumati parlament oldidagi vakolatlarini topshirdi

Bosh vazir imzolagan qaror bilan, Vazirlar Mahkamasi yangi saylangan Oliy Majlis oldidagi vakolatlarini zimmasidan soqit qildi. Amaldagi hukumat yangi tarkibdagi Vazirlar Mahkamasi shakllantirilguniga qadar o‘z faoliyatini davom ettirib turadi.

DXX: Ellikqalʼa va G‘ijduvon tumanlarida hokim yordamchilariga nisbatan jinoyat ishi qo‘zg‘atildi

Iqtisodiy jinoyatlarga qarshi kurashish doirasida Davlat xavfsizlik xizmati xodimlari tomonidan Bosh prokuratura huzuridagi Departament bilan hamkorlikda joylarda o‘tkazilgan tekshiruvlar davomida qonunbuzilishi holatlari aniqlandi.

O'quvchilar o'rtasida kibersport, dron va robototexnika, kelajak o'yinlari bo'yicha alohida tanlovlar o'tkaziladi

“O'quvchi-yoshlarni chaqiruvga qadar boshlang'ich tayyorlash tizimini yangi bosqichga olib chiqish chora-tadbirlari to'g'risida”gi prezident qarori qabul qilindi.

Bank kreditlari tavakkalchiligiga qo‘yiladigan talablar o‘zgartirildi

Nizom bir qarz oluvchi, o‘zaro aloqador qarz oluvchilar guruhi, shu jumladan bankka aloqador shaxslar uchun tavakkalchilikka qo‘yilgan talablarni, shuningdek, bankka aloqado bo‘lgan shaxslar bilan bitimlar tuzish va bitimlar hisobini yuritish tartibini belgilaydi.