21-noyabr kuni O‘zbekistonda sodir bo‘lgan eng muhim voqealar dayjesti

O'zbekistonda daraxtlarni kesganlik uchun jazo choralari kuchaytiriladi

Daraxtlar va butalar qimmatbaho navlarini kesishga, kundakov qilishga, shikastlantirishga yoki yo‘q qilishga olib keladigan loyiha hujjatlarini ishlab chiqqanlik uchun ma’muriy javobgarlik belgilanmoqda.

Jadidchilik harakati haqida "Armon" filmining premyerasi bo'lib o'tdi

"Armon" filmi jadidchilik harakati tarixi, namoyondalari taqdiri hamda 1917-yil siyosiy voqealarining ta'sirini yoritadi. Ruslan Soliyev rejissorlik qilgan bu film Markaziy Osiyodagi islohotchilarning harakatlari haqida hikoya qiladi.

Toshkentda avtobus mast fuqaroni urib yubordi

Fuqaro yo‘lning belgilanmagan qismidan to’satdan yugurib kelgan. Ushbu YTH shahar IIBB YHXB xodimlari tomonidan o'rnatilgan tartibda rasmiylashtirilgan.

Toshkent shahrida bemor ayolga tegajog'lik qilgan "103" feldsheri ishi bo'yicha jinoyat ishi qo'zg'atildi

Toshkent shahridagi tez tibbiy yordam markazining bemorga nisbatan jinsiy tajovuzda gumon qilinayotgan feldsheri qo‘lga olindi.

O‘zbekistondagi 14 863 ta ko‘prikdan 5−6 foizi yaroqsiz holatda ekani aytildi

Qonunchilik palatasidagi “Milliy tiklanish” demokratik partiyasi fraksiyasining yig‘ilishida “2024-yil uchun davlat budjeti to‘g‘risida”gi qonun loyihasi ikkinchi o‘qishda muhokama qilindi.

IIV Probatsiya xizmatiga yangi rahbar tayinlandi

Polkovnik Sharof Uralov IIV Jamoat xavfsizligi departamenti Probatsiya xizmati boshlig‘i lavozimiga tayinlandi.

Milliy gvardiyachilar "rezina tayoqlar" bilan birga "maxsus tayoqlar"dan ham foydalanishi mumkin bo‘ladi

"Milliy gvardiya to‘g‘risida"gi qonunga o‘zgartirish va qo‘shimchalar kiritish haqida”gi qonun loyihasi e’lon qilindi.

O‘zbekistonga Qirg‘izistondan kartoshka yetkazib beriladi

Birinchi yetkazib berishning umumiy hajmi taxminan 1 ming tonna kartoshkani tashkil etadi. Ilk partiya laboratoriya tekshiruvidan so'ng yuboriladi.

Farg‘onada dahshatli YTH oqibatida 2 ayol vafot etdi

Viloyatning Uchko‘prik tumanida "Isuzi" svetoforda to‘xtab turgan Damas bilan to‘qnashdi. Natijada 2 nafar ayol voqea joyida vafot etdi, yana 2 nafar voyaga yetmagan qizlar, 1 nafar ayol va haydovchi, jami 4 kishi jarohatlar bilan kasalxonaga yotqizilgan.

Kulgu qiroli deb tan olingan so‘z ustasi Mamasiddiq Sherayev vafot etdi

San'atkor 2020-yildan hozirgi vaqtgacha Marg‘ilon shahar musiqali maqom teatrining oliy toifali drama artisti sifatida faoliyat yuritib kelayotgan edi.

Andijonda sunʼiy intellekt bo‘yicha loyihalar va mutaxassislar tayyorlanadi

Andijon shahridagi "Digital City" texnoparkida sunʼiy intellekt sohasida innovatsion loyihalar ishlab chiqish va malakali mutaxassislar tayyorlash bo‘yicha ish olib boruvchi alohida departament tashkil etiladi.

Toshkent viloyati Yangiyo'l tumanida homilador ayol shifoxonada vafot etdi

Sud tibbiyot ekspertizasi dastlabki xulosasiga ko‘ra, marhumada homiladorlikka aloqador bo‘lmagan neyrofibromatoz xastaligi asoratlari oqibatida taloq arteriyasining, ichak tutqich tomirlarning spontan yorilishi to‘satdan o‘lim holatiga olib kelgan. Ma’lumotlarga ko‘ra, arteriyalarning to‘satdan yorilishi – nasliy xastalik hisoblangan neyrofibromatoz (Reklingxauzen sindromi)ning asorati bo‘lib, aksariyat holatlarda o‘lim bilan yakunlanadi.

Shifokor ayolga stul otgan yigit prokuror yordamchisi emas, talaba bo‘lib chiqdi

Ijtimoiy tarmoqlarda "tuman prokurori yordamchisi shifokor ayolga stul otdi" sarlavhasi ostida video tarqaldi. Bosh prokuratura holatga munosabat bildirib, videoda ko‘rsatilgan shaxs prokuratura organlarida xizmat qilmasligini ma’lum qildi.

Milliy kutubxonaning kechki payt ishlashi uchun budjetdan pul ajratiladi

Ma'lumot uchun, kutubxona 20-oktyabrdan boshlab kechki smenada ishlamasligini bildirgandi.

10 oyda O‘zbekistonning tashqi savdo aylanmasi hajmi 51 mlrd AQSH dollariga yetdi  

Statistika agentligi maʼlumotlariga ko‘ra, 2023-yilning yanvar-oktabr oylarida O‘zbekistonning tashqi savdo aylanmasi 51 mlrd AQSH dollariga yetgan.

10 oyda 25 432 ta “Onix” avtomobili ishlab chiqarilgan

2023-yilning yanvar-oktyabr oylarida ishlab chiqarilgan yengil avtomobillar soni ma'lum qilindi. Unga ko'ra, o'tgan 10 oyda eng ko'p “Cobalt” avtomobili ishlab chiqarilgan —  89 410 dona. Shuningdek, ushbu vaqt mobaynida 25 432 ta “Onix” avtomobili ham ishlab chiqarilgan.

Bolalar nafaqalari va moddiy yordam uchun 10 trilliondan ortiq mablag‘ ajratish rejalashtirilmoqda

Kam ta’minlangan oilalarga bolalar nafaqalari va moddiy yordamlar to‘lash uchun 10 trillion so‘mdan ortiq, nogironligi bo‘lgan bolalarni parvarishlayotgan onalarga nafaqalar to‘lash uchun 3,6 trillion so‘mdan ortiq, mehnatga layoqatsiz va zarur ish stajiga ega bo‘lmagan fuqarolarga nafaqalar uchun esa 2,5 trillion so‘mdan ortiq mablag‘ ajratilishi rejalashtirilmoqda.

O‘zbekiston Fransiyadan 24 ta Rafale qiruvchi samolyotini sotib oladi

Fransiya Prezidenti Emmanuel Makronning noyabr oyida O‘zbekistonga tashrifida nafaqat fransuz energetika kompaniyalari uchun uran masalasi, balki harbiy samolyotlar borasida hamkorlik muhokama qilingandi.