16-yanvar kuni O‘zbekistonda sodir bo‘lgan muhim voqealar dayjesti

Toshkent viloyatidagi dorixonada bosqinchilik sodir etildi

Qayd etilishicha, 31 yoshli shaxs dorixonaga bostirib kirib, sotuvchiga pichoq bilan tahdid qilgan va kassadan 700 ming so‘m pulni olib qochgan. U shu kunning o‘zida qo‘lga olingan.

Qurilish vazirligi: “Beshyog‘och” bozori o‘rnida 9 qavatgacha bino qurilishi mumkin

Qurilish va uy-joy kommunal xo‘jaligi vazirligi “Beshyog‘och” dehqon bozori o‘rnida yirik biznes markazi qurilishi haqidagi xabarlar yuzasidan munosabat bildirdi.

Turkiyada spirtli ichimlikdan vafot etgan o‘zbekistonliklar soni 10 nafarga yetdi

Bosh konsulxona barcha fuqarolarni spirtli ichimliklardan tiyilishga va ehtiyotkorlikka chaqirdi.

Madaniyat vazirligida bir yilda 12 nafar mansabdor ishdan olindi

Shuningdek, 20 nafar shaxsga “hayfsan” intizomiy jazo chorasi qo‘llanildi.

O‘zbekistonda 200 ming so‘m nominaldagi banknotlar ulushi oshdi, eski kupyuralar bosqichma-bosqich muomaladan chiqarilmoqda

O‘zbekistonda muomaladagi 200 ming so‘m nominaldagi banknotlar ulushi 18,6% dan 23,4% gacha o‘sdi, 100 ming so‘mlik kupyuralar ulushi esa 40,9% gacha kamaydi.

“Tashabbusli budjet” jarayoniga ayrim o‘zgartirish va qo‘shimchalar kiritildi

Unga ko‘ra, har yili tuman va shahar budjetidan 10 tadan kam bo‘lmagan, ko‘pi bilan 30 ta loyiha uchun yetarli mablag‘ ajratilishi belgilandi. Bunda, 10 tadan ortiq loyiha uchun mablag‘lar tuman yoki shahar aholisining tegishli hududdagi ulushidan kelib chiqib taqsimlanadi.

"Flyadeal" aviakompaniyasi Namanganga parvozlarni boshladi

Jidda-Namangan-Jidda yoʻnalishi boʻyicha muntazam ravishda toʻgʻridan-toʻgʻri reyslar Airbus A330 samolyotlarida haftasiga uch marta dushanba, chorshanba va juma kunlari amalga oshiriladi.

O‘zbekistonliklar go‘sht, sut va yonilg‘i narxlari oshishini ko‘proq sezishgan – Markaziy bank so‘rovnomasi

Markaziy bank so‘rovnomasida qatnashganlarning katta qismi go‘sht va sut hamda benzin va boshqa yonilg‘i narxlari yuqori darajada o‘sganini ta’kidlagan.

O‘zbekiston aeroportlari 2024-yilda 13,5 milliondan ortiq yo‘lovchiga xizmat ko‘rsatdi

2024-yilda O‘zbekiston aeroportlari 13,503 million yo‘lovchiga xizmat ko‘rsatdi, shundan 11,022 million nafari xalqaro reyslardan, 2,48 millioni esa ichki reyslardan foydalandi.

16 ta tuman va shahar hokimlari hayfsan oldi

Mutasaddilar tinmay hududlarga borishi, tadbirkorlar bilan uchrashishi, masalasini joyida hal qilishi shartligi ko‘rsatib o‘tildi.

Sirdaryo viloyati hokimi Akmal Mahmudaliyev lavozimidan ozod etildi

Shavkat Mirziyoyev Sirdaryo viloyati hokimi Akmaljon Mahmudaliyevni lavozimidan ozod etdi. Bunga hududida ivestitsiyalarni jalb qilish, qishloq xo‘jaligini rivojlantirish va boshqa yo‘nalishlardagi faoliyatda jiddiy kamchiliklarga yo‘l qo‘ygani sabab bo‘ldi.

Prezident “O‘ztransgaz”, “O‘zmetkombinat” va “O‘zsuvta’minot” rahbarlarini qattiq ogohlantirdi

Ekologiya, Qishloq xo‘jaligi vazirliklari, Davlat aktivlari, Farmatsevtika va O‘rmon xo‘jaligi agentliklarida grant olib kelish rejasi 25 foizga ham bajarilmagani, Qurilish, Transport, Madaniyat vazirliklari, Turizm qo‘mitasi olib kelgan granti esa 10 million dollardan past bo‘lgani tanqid qilindi.

Prezident 2025-yildagi asosiy vazifalarga to‘xtaldi

2025-yil 27 ta tuman hokimi investitsiyani 200 million dollardan oshirish rejasini olgan. Masalan, so‘nggi besh yilda Uchko‘prikda xorijiy investitsiya 10 karra oshib, 100 million dollarga yetdi. Tuman hokimi  2025 yilda buni 200 million dollarga yetkazishni hisob-kitob qilgan.

Prezident investitsiyalarni o‘zlashtirishda haligacha byurokratiya ko‘pligini tanqid qildi

Bu yil xalqaro moliya institutlari mablag‘lari hisobidan 5,2 milliard dollarlik ishlar bajarilishi rejalashtirilgan.

2025 yil uchun $2 mlrd grant olish bo‘yicha har bir vazirlik, tarmoq va hududlarning rejalarini shakllantirish topshirildi

Prezident investitsiya loyihalarida mahalliy komponentlarni ko‘paytirishga alohida eʼtibor qaratish lozimligini taʼkidladi.

Paxta yetishtirish va qayta ishlashda qo‘shimcha bozor mexanizmlari joriy qilinishi belgilandi

Joriy yildan boshlab klasterlar paxtaga talabi va narx taklifini birjaga qo‘yadi, fermerlar esa o‘ziga maʼqulini tanlab, fyuchers shartnomasini tuzadi.

Turkiya kompaniyasi Samarqand-Buxoro pullik avtomobil yo‘li qurilishida ishtirok etmoqchi

Turkiyaning “IC İçtaş İnşaat” kompaniyasi O‘zbekistondagi pulli avtomobil yo‘llari qurilishida ishtirok etmoqchi.