18 май куни Ўзбекистонда содир бўлган энг муҳим воқеалар дайжести

Бухоро нефтни қайта ишлаш заводи АИ-80 ишлаб чиқаришни тўлиқ тўхтатади

Бухоро нефтни қайта ишлаш заводи 2025 йил бошидан АИ-80 бензинини ишлаб чиқаришни тўлиқ тўхтата бошлайди.

Тошкентдаги меҳмонхонада кечаси баланд овозда мусиқа қўйган Исроил фуқароси 15 суткага қамалди

Тошкент шаҳридаги меҳмонхонада кечаси баланд овозда мусиқа қўйиб, атрофдагиларнинг тинчини бузган чет эл фуқароси маъмурий жазога тортилди.

Солиқ кодексида назарда тутилган молиявий санкциялар миқдорлари камайтирилмоқда

Эндиликда фискал тартиб-қоидаларга оид ҳуқуқбузарликлар учун қўлланиладиган молиявий жарима миқдори қарийб 98 фоизга қисқартирилмоқда.

Янгиланган WBC рейтингидан 8 нафар боксчимиз жой олди

Бутунжаҳон бокс иттифоқи (WBC) май ойи учун янгиланган рейтингни эълон қилди.

Суд экспертлари ва баҳоловчи ташкилотларга қўшимча мажбуриятлар юклатиляпти

 “Суд экспертизаси тўғрисида”ги қонунга киритилаётган қўшимчаларга асосан камида уч йил иш стажига эга бўлган суд экспертлари баҳолаш тўғрисидаги ҳисоботларда қўлланилган усулларнинг илмий жиҳатдан асосланганлиги нуқтаи назаридан суд экспертизасини ўтказиши мумкин бўлади.

Тошкентда электромобилларни қувватлантириш станциялари ишини мувофиқлаштирувчи оператор пайдо бўлади

Қарор лойиҳасига кўра, Энергетика вазирлиги Тошкент шаҳар ҳокимлиги билан биргаликда 2025 йилнинг 1 январига қадар Тошкент шаҳрининг ҳудудлари кесимида қувватлаш станциялари тармоғи ва инфратузилмасини ривожлантиришнинг стратегиясини ишлаб чиқиб, тасдиқлайди ва уларни заруратга кўра янгилаб боради.

Эндиликда давлат ёрдами берилишига тааллуқли норматив-ҳуқуқий ҳужжатлар лойиҳалари Рақобат қўмитаси билан мажбурий тартибда келишилади

Иқтисодий жиҳатдан паст таъсир даражасига эга бўлган рақобат тўғрисидаги қонунчиликнинг бузилишини биринчи марта содир этган хўжалик юритувчи субъектга бундай ҳуқуқбузарликнинг такроран содир этилишига йўл қўймаслик ҳақида огоҳлантириш берилиши ва унга нисбатан молиявий санкциялар қўлланилмаслиги белгиланмоқда.

Ходимларини сўккан Фарғона вилояти кадастр бошлиғига ҳайфсан берилди

Хабар берилишича, бошқарма бошлиғи йиғилиш давомида ходимлар томонидан йўл қўйилган камчиликларни таҳлил қилиш вақтида асабларини жиловлай олмаган.

Малайзия Бош вазирига Имом Бухорий асарлари совға қилинди

Анвар Иброҳим Имом Бухорий мажмуасини зиёрат қилди. Шундан сўнг у Имом Бухорий халқаро илмий-тадқиқот маркази фаолияти билан танишди.

Давлат мулкини ижарага бериш тартибига риоя этмаганлик учун маъмурий жавобгарлик белгиланмоқда

Давлат мулкини белгиланган тартибда ижара шартномаси тузмасдан ижарага бериш, ижарага олувчига ижарага берилган давлат мулкини қабул қилиб олиши, унинг ҳудудига кириши ва фойдаланишига асоссиз равишда тўсқинлик қилиш ёки ижара шартномасида ижарага берилган мулкнинг параметрлари ва сонини камайтириб кўрсатган ҳолда ижарага берганлик учун мансабдор шахсларга базавий ҳисоблаш миқдорининг беш бараваридан ўн бараваригача миқдорда жарима солинишига асос бўлади.

Самарқандда “Европа Иттифоқи – Марказий Осиё” биринчи расмий саммити бўлиб ўтади

"Яқин орада биз ҳамкорлик учун яна бир майдон яратишни режалаштирмоқдамиз. Самарқанд шаҳрида “Европа Иттифоқи – Марказий Осиё” биринчи расмий саммити бўлиб ўтади. Ушбу тадбир дўстона алоқаларимизнинг янги саҳифасини очиши шубҳасиз", - дейди Саида Мирзиёева.

«Умра» зиёратига бориб келиш тартиби такомиллаштирилмоқда

Эндиликда «Умра» тадбирларини лицензиясиз амалга ошириш ёки лицензияларни қалбаки ҳужжатлардан фойдаланган ҳолда олиш базавий ҳисоблаш миқдорининг 200 бараварида жаримага сабаб бўлади.

Маҳкумлар ҳуқуқларини таъминлаш янада мустаҳкамланади

Жазони ижро этиш муассасаларининг ходимлари маҳкумларга нисбатан инсоний муомалада бўлиши шарт, маҳкумларга нисбатан интизомий жазо чоралари ва бошқа мажбурлов чораларини қўллашда Кодексда белгиланган асослардан ҳамда тартибдан четга чиқишга йўл қўйилмайди. Маҳкумларда уларнинг розилигисиз тиббий ва илмий тажрибалар ўтказилиши мумкин эмаслиги қатъий белгиланмоқда.

Ўзбекистонда уч ойда 212,2 млрд сўмлик авторақамлар сотилди

Ўзбекистон товар-хом ашё биржаси жорий йилнинг январь-март ойларида «avtoraqam.uzex.uz» савдо тизими орқали сотилган автомобиль давлат рақамларибўйича маълумот берди.

Пневматик ва шунга ўхшаш бошқа қуролларни ўз ихтиёри билан топширган шахслар жавобгарликдан озод этилади

Қонун билан Маъмурий жавобгарлик тўғрисидаги кодексининг 2201-моддасига шахсни ўзининг қонунга хилоф эгалигида бўлган пневматик, сигнал берувчи, тиғли совуқ, улоқтириш қуроли ва ўзини ўзи ҳимоя қилиш қуролини ихтиёрий равишда топширганда маъмурий жавобгарликдан озод қилиш имкониятини назарда тутувчи қўшимча киритилмоқда.

Спортдаги коррупциявий ҳолатлар учун алоҳида жиноий жавобгарликлар белгиланмоқда

Жиноят кодексига спорт мусобақалари иштирокчилари ва ташкилотчиларининг қонунга хилоф равишда моддий қимматликлар олганлиги ёки мулкий манфаатдор бўлганлиги, шунингдек, спорт мусобақалари иштирокчилари ва ташкилотчиларини пора эвазига оғдириб олганлик учун жавобгарликни белгиловчи қўшимчалар киритилмоқда.